1 ✝ ୨:୧ ୧ ତେସଲନିକିୟ ୪:୧୫-୧୭. ଏ ତଡ଼ାନ୍‌କୁ ନି ତାଙ୍ଗିଁକି, ପ୍ରବୁ ଜିସୁ କ୍ରିସ୍ତଦି ଡ଼େସିୱାନିଦିନ୍‌ତି ବିସୟ୍‌ତାନ୍‌ ମାରି ୱାନି ଲାକ୍‌ତୁ ମାଡ୍‌ ୱିଜେରେ ଉନ୍‌ଡ୍ରେମାନୁ ଆନି ବିସୟ୍‌ତାନ୍‌ ମିଙ୍ଗିଁ ବାତିଙ୍ଗ୍‌ମାଲ୍‍ଜିନାପ୍‌ । 2 ପ୍ରବୁଦି ଦିନ୍‌ ୱାତାତ୍‌ନି ଇଜି ଏମାଣାନ୍‌ ୱେନ୍‌ଞ୍ଜି ମିର୍‌ ଇନ୍‌ଙ୍ଗାଁଆନିଙ୍ଗାଁ ମାରି ବେମ୍ରି ଆମାଟ୍‌ । ମାପ୍‌ ପ୍ରଚାର୍‍ କିନିୱାଲେ ଇୟାୱାଜା ଇନି ମାଟା ୱେର୍‌ତାମାନାପ୍‌ ମାରି ଇୟା ବିସୟ୍‌ତାନ୍‌ ଇନିକା ରାସ୍‌ସି ୱେର୍‌ତାମାନାପ୍‌ ଇଜି ଏସଲୋକାଙ୍ଗ୍‌ ଏତ୍‌ ମାନାତ୍‌ । 3 ଇୟାୱାଜା ୱେର୍‍ସି ମିଙ୍ଗିଁ ଏନ୍‌ ଏଣ୍ତେସ୍‌ ୱାଜାବା ବେମ୍ରି କିମାକିନ୍‌ । ମାପୁରୁଦି ବିରୁଦ୍‌ତାନ୍‌ ସାରାସାରିୱେନ୍‌କାରି ଜୁଦ୍‌ ଗଟାଇ ସାନ୍ଦି ମାରି ଆୟା ଅଦାର୍ମୁଦି ଲୋକ୍‌ ପୁରାୱେର୍‌ଇ ସାନ୍ଦି ମାରି ୱାନିଙ୍ଗ୍‌ ନର୍‌କଦି ପୋକ୍‌ଇ ସାନ୍ଦି ପ୍ରବୁଦି ଆୟା ଦିନ୍‌ ରେଏତ୍‌ । 4 ଆୟା ତାଗ୍‌ଇଆତ୍ମା ଲୋକାଦି ୱାର୍‌ଗିଜିସାନିକା ୱିଜୁ ପୁଜାଦି ଦିୟାମ୍‌ ମାରି ପୁଜାସିତି ଜିନିସ୍‍ତି ବିରୁଦ୍‍ କିନାତ୍‌ ମାରି ନିଜେଦିଙ୍ଗ୍‌ ୱିଜେରିଙ୍ଗ୍‌ ମୁସ୍‌କୁ ଇଡାୟ୍‌ଆଦେଙ୍ଗ୍‌ ଆସା କିନାତ୍‌ । ଇୟାୱାଜା ଜେ ୱାନ୍‌ ମାପୁରୁଦି ମନ୍ଦିର୍‌ତୁ ବାସ୍‌ସି ନିଜେଦିଙ୍ଗ୍‌ ମାପୁରୁ ଇଜି ତରାନାତ୍‌ ।