12 ମାରି ଆମା ବୁବା ମାପୁରୁ ଜାୟ୍ତି ରାଜିଦୁ ୱାନି ଲୋକା ଉଣ୍ତିଙ୍ଗ୍ ଆମାକା ରକିୟାକିଜି ଇଟ୍ତାମାନାନ୍, ୱାନି ମିସାନି ଉଣ୍ତିଙ୍ଗ୍ ୱାନ୍ ଜେ ମିଙ୍ଗିଁ ଆସ୍କିତାମାନାନ୍, ଇୟାଉଣ୍ତିଙ୍ଗ୍ ୱାନିଙ୍ଗ୍ ୱେଡ଼ିକାଦି ୱାଲେ ଦନ୍ୟବାଦ୍ ସିଦୁ । 13 ୱାନ୍ ମାଙ୍ଗିଁ ସିକାଟିଦି ସାକ୍ତିଦାନ୍ ଉଦାର୍ କିତାମାନାନ୍ ମାରି ତିର୍ତାନ୍ ମାଙ୍ଗିଁ ୱାନି ଲାଡ୍ତି ମାରିନ୍ତି ରାଜିଦୁ ତାତାମାନାନ୍, 14 ୧:୧୪ ଏପିସିୟ ୧:୭.ଆୟା ମାରିନ୍ତି ମାଣାନ୍ ମାପୁ ମୁକୁଡ଼ାତା ମାନାପ୍, ମାରି, ମା ପାପ୍ କେମା ଆତାମାନାପ୍ ।
କ୍ରିସ୍ତ ମାରି ୱାନି ପାଣି
15 କ୍ରିସ୍ତ ତରାୟ୍ଆଇ ମାପୁରୁଦି ତରାଇଆନି ମୁର୍ତିୱାଜା, ୱାନ୍ ଆଗ୍ଡ଼ି ଜନମ୍ଆତି ମାରିନ୍, ୱିଜୁ ଗାଡ଼୍ଆତିମାନି ବିସୟ୍ତିମାଣ୍କୁ ପେରିକାନ୍ । 16 ଇରିଙ୍ଗ୍ ୱାନି ମାଣାନ୍ ମାପୁରୁ ମୁସ୍କୁପୁର୍ତୁ ନି ଦୁନିଆଦୁ ୱିଜୁ ତରାନିକା ମାରି ତରାଇକା ଜିନିସ୍, ଆତ୍ମାଦି ସାକ୍ତିୱିଜୁ, ସାଲାକିନିମାଲିକ୍, ସାସନ୍କିନିକାର୍ ମାରି ୱିଜୁ ଅଦିକାରିରିଙ୍ଗ୍ ତିଆର୍ କିତାନ୍ । ୱାନି ମାଣୁକୁ ମାରି ୱାନି ଉଣ୍ତିଙ୍ଗ୍ ମାପୁରୁ ସାରାଦୁନିଆଦିଙ୍ଗ୍ ତିଆର୍ କିତାନ୍ । 17 ୱିଜୁ ବିସୟ୍ ତିଆର୍ ଆନି ଆଗ୍ଡ଼ିନେ କ୍ରିସ୍ତ ମାନାନ୍ ମାରି ୱାନିୱାଲେ ମିସାନି ମାଣାନ୍ ୱିଜୁ ବିସୟ୍ ନିଜେ ନିଜେଦି ଗାଡ଼୍ଆତିମାନି ବାଡିଦୁ ମାନେ ।
/images/a/Tcg2NiV7ce24OT6kCIQGR)
/images/a/a0208299-6f37-40a0-66e1-2576b9435f00)