5 ମାପୁରୁ ୱାନି ମାରିନ୍‌ ୱାଜା ମିଙ୍ଗିଁ ଏମେ ୱେଡ଼ିକା କାବୁର୍ ୱେନିସ୍ତା ମାନାର୍‍, ଆକା ଇନିକା ମିର୍‌ ବାଣାଜିନିଦେର୍‌ ?

"ଏ ନା ମାରିନ୍‌, ମାପୁରୁ ମିଙ୍ଗିଁ ସାସନ୍ କିନିୱାଲେ ମୋନଦିୟାନ୍‌ ସିଦୁ ।

ୱାନ୍‌ ମିଙ୍ଗିଁ ଲାଗାନିୱାଲେ ମନ୍‍ଉଣା କିମାଟ୍ ।

6 ଇରିଙ୍ଗ୍‌ ମାପୁରୁ ଏମେୱାନିଙ୍ଗ୍ ଜିବନ୍‌ନୋନାନ୍‌, ୱାନିଙ୍ଗ୍‌ ସାସନ୍ କିନାନ୍

ମାରି ଏମେୱାନିଙ୍ଗ୍ ମାରିନ୍‌ ଇଜି ମାନାନାନ୍, ୱାନିଙ୍ଗ୍‌ ସାସ୍ତି ସିନାନ୍ ।"

7 ମି ଦୁଃକ୍‌ କାସ୍ଟୁଦିଙ୍ଗ୍‌ ବୁବାଦି ସାସନ୍ ଇଜି ଅଡ଼୍‍ବିଜି ସାସ୍‌ ଆସ୍‍ତୁ, ତେନିମାଡ଼ାନ୍ ମାପୁରୁ ମି ୱାଲେ ମାରିନ୍‌ ୱାଜା ବ୍ୟବହାର୍ କିଜିନାନ୍ ଇଜି ୱେଙ୍ଗିଁଜିନାତ୍‌ । ଇରିଙ୍ଗ୍‌ ବୁବା ଆମାୱାନିଙ୍ଗ୍‌ ସାସନ୍‌ କିଏନ୍‌, ଇୟାୱାଜା ମାରିନ୍‌ ଏନ୍‌ ମାନାନ୍ ? 8 ୱାରି ଆଇ ମାରିସିର୍ ୱାଜା ନିଙ୍ଗିଁ ଜଦି ମି ବୁବା ମିସା କିଏନ୍, ଆର୍‌ତିଙ୍ଗ୍‌ ନିନୁ ନିଜେଦି ମାରିନ୍‌ ଆଇ, ନିନୁ ଉପ୍‍କା ମାରିନ୍‌। 9 ମା ଦୁନିଆଦି ବୁବାର୍ ମାଙ୍ଗିଁ ସାସ୍ତି ସିତିଙ୍ଗ୍ ବା ମାଡୁ ମେନ୍ଦଲ୍‌ତି ବୁବାରିଙ୍ଗ୍‍ ମାନାନିକା । ଆର୍‍ତିଙ୍ଗ୍‍ଁ ମା ମୁସ୍‌କୁପୁର୍‌ତି ବୁବାଦି ସାସନ୍‌ତି ଆଡ୍‍ଗି ଆଜି ତେବାନିକା ଏସ ନାଣ୍ତ ନେଗିମାଟା !