53 ଆବେଟ୍‌ ଜିସୁ ୱାରିଙ୍ଗ୍‌ ଇର୍ହାନ୍‌, "ସତ୍‌ ସତ୍‌ ନାନ୍ ମିଙ୍ଗିଁ ଇଜିନା, ମନୁସ୍ୟପୁତ୍ରଦି କାଣ୍ତା ତିନ୍‌ଏତିଙ୍ଗ୍‌ ମାରି ୱାନି ନେତେର୍‌ ଉଣୁଏତିଙ୍ଗ୍‌, ମିର୍‌ ଜିବନ୍‌ ପୋୟ୍‍ଦେଙ୍ଗ୍‍ ଆଟ୍‍ଇଦେର୍‍ । 54 ଏନ୍‌ ନା କାଣ୍ତା ତିନ୍‌ନାନ୍‌ ମାରି ନା ନେତେର୍‌ ଉଣୁନାନ୍‌, ୱାନ୍‌ ଏସ୍‌କାଙ୍ଗ୍‌ୱିଜ୍‍ଇ ଜିବନ୍‌ ପୟ୍‌ନାନ୍‌, ମାରି ନାନ୍ ୱିଜିନି ନାଣ୍ତିଙ୍ଗ୍‌ ୱାନିଙ୍ଗ୍‌ ନିକ୍‌ନା । 55 ଇରିଙ୍ଗ୍‌ ନା କାଣ୍ତା ସତେନେ କାଦି ମାରି ନା ନେତେର୍‌ ସତେନେ ଏରୁ । 56 ଏନ୍‌ ନା କାଣ୍ତା ତିନ୍‌ନାନ୍‌ ମାରି ନା ନେତେର୍‌ ଉଣୁନାନ୍‌, ୱାନ୍‌ ନା ମାନୁ ତେବାନାନ୍‌ ମାରି ନାନ୍ ୱାନିମାନୁ ତେବାନା । 57 ଜିବନ୍‌ମାନି ବୁବା ନାଙ୍ଗିଁ ପୋକ୍‌ତାମାନାନ୍‌ ମାରି ନାନ୍ ୱାନି ଉଣ୍ତିଙ୍ଗ୍‌ ଜିବନ୍‌ ମାନା, ଆୟାୱାଜା ଏନ୍‌ ନାଙ୍ଗିଁ ଉଣୁନାନ୍‌, ୱାନ୍‌ ବା ନା ଉଣ୍ତିଙ୍ଗ୍‌ ଜିବନ୍‌ ତେବାନାନ୍‌ । 58 ଏମେ କାଦି ମୁସ୍‌କୁପୁରୁତାନ୍‌ ୱାତାମାନାତ୍‌, ଆୟାକା ଇକା; ପୁର୍ବେଦିଡକ୍‌ରାଦାଦାର୍‌ ଏଣ୍ତେସ୍‌ ଉଟାର୍‌ ସାତାସର୍ହାର୍‌, ଇକା ଆୟାୱାଜା ସିଲେ; ଏନ୍‌ ଇୟା କାଦି ଉଣୁନାନ୍‌, ୱାନ୍‌ ଏସାଙ୍ଗ୍‌ୱିଜ୍‌ଇଦିନ୍‌ ସାନ୍ଧି ଜିବନ୍‌ ତେବାନାନ୍‌ ।"