Lucas 22

ଜିସୁଙ୍ଗୁଁ ଆସିସ୍‌ କିଦେଙ୍ଗ୍‌ ଇଜି ଜିହୁଦା ରାଜିଆତାନ୍‍

3 ନାସ୍ତିୱାଲେ ବାରଲୋକ୍‌ ସିସୁରି ଲୋଇରାନ୍‌ ଇସ୍କାରିୟୋତିୟ ଦର୍‌ତି ଅରେନ୍‍ ଜିହୁଦାମାନୁ ସୟତାନ୍ ଡ଼ୁଗିତାତ୍‌; 4 ମାରି, ଜିହୁଦା ସୋର୍‌ଆନ୍‌ନୋ, ଇନି ଉପାୟ୍‌ତାନ୍‌ ୱାନିଙ୍ଗ୍‌ ପେରି ଜାଜକ ନି ସେନାପତିରି କିୟୁଦୁ ସପ୍ରେ କିଦେଙ୍ଗ୍‌ ଆଟ୍‍ନାନ୍‍, ଆକା ୱାରି ୱାଲେ ୱାର୍‌ଗିତାନ୍‌ । 5 ଆବେଟ୍‌ ୱାର୍‌ ୱେଡ଼ିକା ଆଜିମାରି ୱାନିଙ୍ଗ୍‌ ଡାବୁଙ୍ଗୁଁ ସିଦେଙ୍ଗ୍‍ ଇଜି ପାର୍‌ମାଣ୍‌ କିତାର୍‌ । 6 ମାରି, ଜିହୁଦା ରାଜି ଆତାନ୍‌ନୋ ଲୋକ୍‌ ୱିଜେରେ ଅରେନ୍‍ବା ସିଲିୱାଲେ ୱାନିଙ୍ଗ୍‌ ୱାରି କିୟୁଦୁ ସପ୍ରେ କିଜି ସିନି ଉଣ୍ତିଙ୍ଗ୍‌ ସାରି ପ‍ଇଦେଙ୍ଗ୍‌ ଆସ୍‌ତାନ୍‌ ।