ଜିସୁ ବାର୍ଟୀମୟ କାଣେଙ୍ଗ୍ ନେଗେଣ୍ତ୍ କିତାନ୍
46 ଜିସୁ ମାରି ୱାନି ସିସୁର୍ ଜିରିହୋ ଗାଡ଼୍ତୁ ୱାତାର୍, ମାରି ୱାର୍ ନାଣ୍ତଲୋକୁ ୱାଲେ ସଲ୍ସି ମାର୍ଆର୍, ଯିରିହୋତି ଆୟା ଗାଡ଼୍ ଡ଼ିସ୍ସି ସନିୱାଲେ, ଟିମାୟଦି ମାରିନ୍ ବାର୍ଟୀମୟ ଦରତିକାନ୍ ଅରେନ୍ କାଣା ଭିକାରି ସାରି ଲାକ୍ତୁ ବାସ୍ତା ମାର୍ଆନ୍ । 47 ୱାନ୍ ଜେ ନାଜରିତିୟ ଜିସୁ, ଆୟା ସାରିଦୁ ସଲ୍ସିନାନ୍ ଇଜି ୱେନ୍ଜି ଆୟା କାଣା ବିକାରି ନାଣ୍ତ୍ ଆଉଲି ଆଜି ଇର୍ଆନ୍, "ଏ ଦାଉଦତି ମାରିନ୍ ଜିସୁ, ନାଙ୍ଗିଁ ଦୟା କିଆ ।"
48 ଆବେନୁ ଏସଲୋକ୍ ୱାନିଙ୍ଗ୍ ଆଲେଜ ମାନ୍ଡ଼୍ରେଙ୍ଗ୍ ଇଜି ଆଦିରିସ୍ତେଙ୍ଗ୍ ଆସ୍ତାର୍, ମାତର୍ ୱାଣ୍ତ୍ରୁ ମାରି ନାଣ୍ତଦାଣ୍ତ୍ ଆଉଲି ଆଜି ଇର୍ଆନ୍, "ଏ ଦାଉଦତି ମାରିନ୍, ନାଙ୍ଗିଁ ଅଡ଼ପ୍ ଦୟା କିଆ !"
49 ଆବେନୁ ଜିସୁ ତେବାତାନ୍ ନୋ ଇର୍ଆନ୍, "ୱାନିଙ୍ଗ୍ କୁକ୍ତୁ ।" ୱାର୍ ଆୟା କାଣା ଭିକାରିତିଙ୍ଗ୍ କୁକ୍ସି ଇର୍ହାର୍, "ସାସ୍ ଆସ୍ଆ, ନିଂଆ, ଜିସୁ ନିଂଇ କୁକ୍ସିନାନ୍ ।"
50 ଆବେଟ୍ ୱାଣ୍ତ୍ରୁ ନିଜେଦି ସାଦର୍ ପୋକ୍ତାନ୍ ନୋ ନିଂଇଜି ଜିସୁ ଲାକ୍ତୁ ୱାତାନ୍ ।
51 ଜିସୁ ୱାନିଙ୍ଗ୍ ୱେନ୍ବାତାନ୍, "ନାନ୍ ନି ଉଣ୍ତିଙ୍ଗ୍ ଇନିକା କିନା ଇଜି ନିନୁ ବଦା କିଜିନି ?" ଆୟା କାଣା ଲୋକୁ ଜିସୁଙ୍ଗୁଁ ଇର୍ଆନ୍, "ଏ ଗୁରୁ, ନାନ୍ ଏଣ୍ତେସ୍ ସୁଡ଼ୁଦେଙ୍ଗ୍ ଆଟ୍ନା ।"
52 ଜିସୁ ୱାନିଙ୍ଗ୍ ଇର୍ଆନ୍, "ସାଙ୍ଗ୍ଆ, ନି ବିସ୍ବାସ୍ ନିଙ୍ଗିଁ ନେଗେନ୍ କିତାମାନାତ୍ ।" ଆୟା ଦାପ୍ରେନେ କାଣା ୱାନି ସୁଡ଼ୁନି ସାକ୍ତି ପଇତାନ୍ ନୋ ସାରିଦୁ ଜିସୁ ୱେନ୍କା ୱେନ୍କା ବୁଲାଦେଙ୍ଗ୍ ଆସ୍ତାନ୍ ।
/images/a/Tcg2NiV7ce24OT6kCIQGR)
/images/a/a0208299-6f37-40a0-66e1-2576b9435f00)