37 ମାତର୍ ଜିସୁ ୱାରିଙ୍ଗ୍ ଇର୍ହାନ୍, "ମିର୍ ୱାରିଙ୍ଗ୍ ଉଣ୍ତେଙ୍ଗ୍ ସିଦୁ," ସିସୁର୍ ୱାନିଙ୍ଗ୍ ଇର୍ହାର୍, "ମାପ୍ ଇନିକା ଆଟ୍ଗୋଟା ଲେଜ୍ତି କୁଲି ଡାବୁଦାନ୍ ରୁଟି କଣାପ୍ ୱେରିଙ୍ଗ୍ ସିନାପ୍ ?"
38 ଜିସୁ ୱାରିଙ୍ଗ୍ ଇର୍ଆନ୍, "ମି ଲାକ୍ତୁ ଏସୋ ଗୋଟା ରୁଟିଙ୍ଗ୍ ମାନେ ? ସଲ୍ସ ସୁଡ଼୍ଦୁ ।" ସିସୁର୍ ସର୍ଆ ୱେର୍ଆ ୱାତା ରୋ ୱାନିଙ୍ଗ୍ ଇର୍ହାର୍, "ପାସ୍ଗୋଟା ରୁଟିଙ୍ଗ୍ ମାରି ରୁଣ୍ତି ମିନ୍କୁ ମାନେ ।"
39 ୱିଜେରେ ଏଣ୍ତେସ୍କି ଧାଡ଼ି ଧାଡ଼ି ଆଜି କଡ଼୍କି ଲାଟା ମାନି ବାଡିଦୁ ବାସ୍ନାର୍, ଆୟା ଉଣ୍ତିଙ୍ଗ୍ ଜିସୁ ବାସିସ୍ କିଦେଙ୍ଗ୍ ୱାରିଙ୍ଗ୍ ଆଦେସ୍ ସିତାନ୍ । 40 ଆବେଟ୍ ୱିଜେରେ ଶହେ ଶହେ ଲୋକୁ ମାରି ପଚାସ୍ ପଚାସ୍ ଲୋକୁ ଧାଡ଼ି ଆଜି ବାସ୍ତାର୍ । 41 ଆୟାୱେନ୍କା ଜିସୁ ଆୟା ପାସ୍ଗୋଟା ରୁଟିଙ୍ଗ୍ ମାରି ରୁଣ୍ତି ମିନ୍କୁ ଅସି ସ୍ୱର୍ଗ ମୁସ୍କୁ ସୁଡ଼୍ଜି ମାପୁରୁଦିଙ୍ଗ୍ ଦନ୍ୟବାଦ୍ ସିତାନ୍ ମାରି ରୁଟିଙ୍ଗ୍ ରୁକ୍ସି ଲୋକାଙ୍ଗ୍ ବାଟାକିଜି ସିଦେଙ୍ଗ୍ ସିସୁରିଙ୍ଗ୍ ସିତାନ୍ । ଆୟା ରୁଣ୍ତି ମିନ୍କାଙ୍ଗ୍ ବା ବାଟାକିଜି ସିଦେଙ୍ଗ୍ ସିତାନ୍ । 42 ୱିଜୁ ଲୋକୁ ୱିଜେରେ ତିର୍ଆରୋ ପଟାପାଜିତାର୍ । 43 ଇୟା ୱେନ୍କା ସିସୁର୍ ଏଜିତି ରୁଟିଙ୍ଗ୍ ମାରି ମିନ୍କୁ ମୋକେଙ୍ଗ୍ ପେର୍ଜି ବାରଗୋଟା ଡାଡ଼ିଦୁ ବର୍ତି କିତାର୍ ।
/images/a/Tcg2NiV7ce24OT6kCIQGR)
/images/a/a0208299-6f37-40a0-66e1-2576b9435f00)