ଜିସୁ କ୍ରିସ୍ତଦି କୁଟୁମ୍
1 ଇକା ଆଜିନାତ୍ ଜିସୁ କ୍ରିସ୍ତଦି ଡକ୍ରାଦାଦ୍ସିରି ଦର୍କା ଦାଡ଼ି; ୱାନ୍ ଦାଉଦଦି କୁଟୁମ୍ ମାର୍ହାନ୍, ଦାଉଦ ଅବ୍ରାହାମଦି କୁଟୁମ୍ ମାର୍ହାନ୍
2 ଅବ୍ରାହାମ ଇସ୍ହାକ୍ତି ବୁବାସି । ଇସ୍ହାକ୍ ଜାକୁବଦି ବୁବାସି । ଜାକୁବ, ଜିହୁଦା ନି ୱାନି ତଡ଼ାନ୍କା ବୁବାସି । 3 ଜିହୁଦା, ପେରସ ନି ସେରହତି ବୁବାସି । ତାମର ୱାରି ଆଇସି । ପେରସ ହେବ୍ରଣତି ବୁବାସି । ହେବ୍ରଣ ଅରାମତି ବୁବାସି । 4 ଅରାମ ଅମିନାଦବତି ବୁବାସି । ଅମିନାଦବ ନହସନତି ବୁବାସି । ନହସନ ସଲମନତି ବୁବାସି । 5 ସଲମନ ବୟଜତି ବୁବାସି । ବୟଜକା ଆଇସି ଦରୁ ରାହବ୍, ବୟଜ ଅବେଦତି ବୁବାସି, ରୁତ ଅବେଦକା ଆଇସି ମାର୍ହାତ୍, ଅବେଦ ଜେସିଦି ବୁବାସି ।
6 ଜେସି ରାଜା ଦାଉଦତି ବୁବାସି । ଦାଉଦ ସଲମନ୍ତି ବୁବାସି, ସଲମନକା ଆଇସି ଆଗ୍ଡ଼ି ଉରିୟଦି ଆଡ଼ି ମାର୍ହାତ୍ । 7 ସଲମନ୍ ରିୟବିୟାମତି ବୁବାସି । ରିୟବିୟାମ ଅବିୟଦି ବୁବାସି । ଅବିୟ ଆସାଦି ବୁବାସି । 8 ଆସା ଜିହସାପଟତି ବୁବାସି । ଜିହସାପଟ ଜରାମତି ବୁବାସି । ଜରାମ ଉଜିୟଦି ବୁବାସି । 9 ଉଜିୟ ଜତାମତି ବୁବାସି । ଜୋତମ ଆହାସତି ବୁବାସି । ଆହାସ ହିଜକିୟଦି ବୁବାସି । 10 ହିଜକିୟ ମନସିଦି ବୁବାସି । ମନସି ଅମନତି ବୁବାସି । ଅମନ ଜସିୟଦି ବୁବାସି ।
11 ଜସିୟ, ଜିକନିୟ ମାରି ୱାନି ତଡ଼ାନ୍କା ବୁବାସି । ଇକା ଇସ୍ରାଏଲ୍ ଲୋକାଙ୍ଗ୍ ଗତିମୁରୁଲି କିଜି ବାବିଲନ୍ତୁ ଅନିୱାଲେରି ମାଟା ।
12 ୱାରିଙ୍ଗ୍ ବାବିଲନ୍ତୁ ଅତି ୱେନ୍କା । ଜିକନିୟଦି ମାରିସି ସଲ୍ଟିୟେଲ ଜନମ୍ଆତାନ୍ । ସଲ୍ଟିୟେଲ ଜିରୁବ୍ବାବେଲତିଙ୍ଗ୍ ଜନମ୍ କିତାନ୍, 13 ଜିରୁବ୍ବାବେଲ ଅବିହୁଦକା ବୁବାସି । ଅବିହୁଦ ଏଲିୟାକିମ୍କା ବୁବାସି । ଏଲିୟାକିମ୍ ଅଜ୍ଜୁରକା ବୁବାସି । 14 ଅଜ୍ଜୁର ସାଦକକା ବୁବାସି । ସାଦକ ଆକିମ୍ତି ବୁବାସି । ଆକିମ୍ ଏଲିହୁଦକା ବୁବାସି । 15 ଏଲିହୁଦ ଏଲାଜାରକା ବୁବାସି । ଏଲାଜାର ମତାନକା ବୁବାସି । ମତାନ ଜାକୁବରି ବୁବାସି । 16 ଜାକୁବ ଜସେପ୍କା ବୁବାସି । ଜୋସେପ୍ ମରିୟମ୍ତି କନ୍ଲି । ମରିୟମତି ପଟାଦାନ୍ ଜିସୁ ଜନମ୍ଆତାନ୍ । ଜିସୁ ମସିହ ଦର୍ତାନ୍ ବା ୱେଙ୍ଗିଁନାନ୍ ।
17 ଇୟାୱାଜା ଅବ୍ରାହାମତି ମାଣାନ୍ ଦାଉଦଦି ସାନ୍ଦି ଆତାର୍ ପୁରା ସଉଦ କୁଟୁମ୍ । ଦାଉଦ ମାଣାନ୍ ଗତିମୁରୁଲି ୱାଜା ବାବିଲନ୍ତୁ ଇନି ସାନ୍ଦି ସଉଦ କୁଟୁମ୍, ମାରି ଗତିମୁରୁଲି ୱାଜା ବାବିଲନ୍ତୁ ଇତି ୱେନ୍କାରାନ୍ କ୍ରିସ୍ତଦି ଜନମ୍ ସାନ୍ଦି ଆତାର୍ ସଉଦ କୁଟୁମ୍ ।
/images/a/WG5FS9VaSWVnVmV3VI8yP)
/images/a/Tcg2NiV7ce24OT6kCIQGR)