3 ୱାନ୍ କାତାଦାନ୍ ୱାରିଙ୍ଗ୍ ନାଣ୍ତ ମାଟେଙ୍ଗ୍ ସିକିୟା ସିତାନ୍ । ୱାନ୍ ଇର୍ହାନ୍, "ଅର୍ଲେନ୍ ଅରେନ୍ ଲୋକୁ ୱିତୁ ୱିତ୍ତେଙ୍ଗ୍ ସତାନ୍ । 4 ୱାନ୍ କିଡ଼ିଇଦୁ ୱିତୁ ୱିତ୍ନିୱାଲେ ଏସ ୱିତୁ ସାରି ପାଡ଼୍କାଦୁ ଆର୍ତେ ଆକା ପଟିଙ୍ଗ୍ ୱାଜି ଆୟାୱିଜୁ ୱିତୁ ତିର୍ଏ । 5 ମାରି ଏସ ୱିତୁ ଉଣା ସିକାଲାମାନି ପିଡ଼ିପି ବୁମିଦୁ ଆର୍ତାତ୍ । ମାରି ନାଣ୍ତ ସିକାଲା ସିଲେତାତ୍ ଆକା ୱିତୁ ଦାପ୍ରେ ନେରିତାତ୍ । 6 ମାତର୍ ତାନି ୱେଲା ଆଡ୍ଗି ସଲ୍ଏତ୍ ମାର୍ହାତ୍ଆକା ୱେଡ଼ା ତେର୍ୱେଲ୍ତାନ୍ ୱେତାତ୍ ମାରି ସାତା ସର୍ହାତ୍ । 7 ଏସ ୱିତୁ ସାମ୍କା ଦୁପା ଲୋଇ ଆର୍ତାତ୍ । ଇୟା ସାମ୍ ମାରାକ୍ ୱିଜୁ ପିର୍ଜି ପାଡ଼ାୱିଜୁଦିଙ୍ଗ୍ ତିଗିତେ ପକ୍ତେ । 8 ମାତର୍ ମାରି ଏସ ୱିତୁ ନେଗି ବୁମିଦୁ ଆର୍ଜି ମାରାକ୍ଆଜି ପଲ୍ ଆସ୍ତାତ୍ । ଏସ ସହେ ଗୁଣୁ, ଏସ ସାଟେ ଗୁଣୁ, ମାରି ଏସ ତିରିସ୍ ଗୁଣୁ ପଲ୍ ଆସ୍ତାତ୍ ।"
9 ଜିସୁ କାତା ୱିସ୍ସି ଇର୍ହାନ୍, "ଆମାୱାନିଙ୍ଗ୍ ୱେନ୍ଡ୍ରେଙ୍ଗ୍ ଗିତଣିଙ୍ଗ୍ମାନେ, ୱାନ୍ ୱେନିନ୍ ।"
/images/a/Tcg2NiV7ce24OT6kCIQGR)
/images/a/a0208299-6f37-40a0-66e1-2576b9435f00)