ସାତ୍ରୁରିଙ୍ଗ୍ ଜିବନ୍ନଦୁ
43 "ଜିବନ୍ନୋଦୁ ମି ସଙ୍ଗ୍ଁରିଙ୍ଗ୍, କାଡ଼୍ଦୁ ମି ସାତ୍ରୁରିଙ୍ଗ୍ ଇୟା ସିକିୟା ଆଗ୍ଡ଼ିରାନ୍ ୱେର୍ଇମାନିଦେର୍ ।" 44 ମାତର୍ ନାନ୍ ମିଙ୍ଗିଁ ଇଜିନା, ଜିବନ୍ନୋଦୁ ମି ସାତ୍ରୁରିଙ୍ଗ୍ । ଏମେକାର୍ ମିଙ୍ଗିଁ ତାଡ଼ନାକିନାର୍, ୱାରି ଉଣ୍ତିଙ୍ଗ୍ ପାର୍ତନା କିଦୁ । 45 ଇୟାୱାଜା କିତିଙ୍ଗ୍ ମୁସ୍କୁପୁର୍ତି ବୁବା ମାପୁରୁଦି କଡ଼ର୍ ଇଜି ୱେଙ୍ଗିଁନିଦେର୍ । ଇରିଙ୍ଗ୍ ମାପୁରୁ ନେଗିୱାରି ନି ତାଗ୍ଇୱାରି ଲୋକାମୁସ୍କୁ ୱାନି ୱେଡ଼ା ଜାୟ୍ ସିନାନ୍, ମାରି ସତ୍ପାଣି ନି ତାଗ୍ଇପାଣି କିନି ୱିଜେରିଙ୍ଗ୍ ପିର୍ରୁ ସିନାନ୍ । 46 କେବଲ୍ ମିଙ୍ଗିଁ ଜିବନ୍ନୋଜି ମାନି ଲୋକାଙ୍ଗ୍ ଜିବନ୍ନତିଙ୍ଗ୍, ମାପୁରୁ ଏନ୍ଦା ମିଙ୍ଗିଁ ପୁରସ୍କାର୍ ସିନାନ୍ ? ସିସ୍ଟୁ ଲୋସ୍ନିକାର୍ ବା ଆକା କିନାର୍ । 47 ଜଦି କେବଲ୍ ମି ତଡ଼ାନ୍କାଙ୍ଗ୍ ୱାର୍ଗିନିଦେର୍, ଆରିଙ୍ଗ୍ ମିର୍ ନେ ଉପ୍କାପାଣି କିଜିନିଦେର୍ ? ଅବିସ୍ବାସ୍ରି ବା ଆକା କିନାର୍ । 48 ମି ମୁସ୍କୁପୁର୍ତି ବୁବା ଏଣ୍ତେସ୍ ପବିତ୍ର, ମିର୍ ଆୟାୱାଜା ପବିତ୍ର ଆନିକାମାନାତ୍ ।
/images/a/Tcg2NiV7ce24OT6kCIQGR)
/images/a/a0208299-6f37-40a0-66e1-2576b9435f00)