ଦାନ୍ ବିସୟ୍ତାନ୍ ସିକିୟା
1 ୬:୧ ମାତିଉ ୨୩:୫. "ଲୋକାଙ୍ଗ୍ ତର୍ତେଙ୍ଗ୍ଇଜି ପୁଲାପୁଲିଦାନ୍ ନେଗିପାଣି କିମାଟ୍ । ଆକାକିତିଙ୍ଗ୍ ମୁସ୍କୁପୁର୍ତି ବୁବା ମାଣ୍କୁ ମିର୍ ପୁରସ୍କାର୍ ପୟ୍ଇଦେର୍ ।"
2 "ଅରେନ୍ କାକୁର୍ତି ଲୋକ୍ତିଙ୍ଗ୍ ଇନି ଦାନ୍ ସନିୱାଲେ ପୁଲାପୁଲି ଲୋକ୍ତି ୱାଜା ମୋରି ଉକୁସି ତର୍ଆଇଆମାଟ୍ । ୱାର୍ ପାର୍ତନାକିନି ଇଲ୍କାଙ୍ଗ୍ ନି ସାକ୍ଡ଼ି ମଜାୟ୍ ନିଜେଦି ଦାନ୍ଦାର୍ମୁଦି ପାଣି କିନାର୍ । ଲୋକାମାଣ୍କୁ ଦନ୍ୟବାଦ୍ ପୟ୍ଦେଙ୍ଗ୍ ୱାର୍ ଇକା କିନାର୍ । ନାନ୍ ସତେନେ ଇଜିନା ଜେ ୱାର୍ ଇୟାମାଣାନ୍ ୱାରି ପୟ୍ନିକା ପୁରାଦାନ୍ ପୟ୍ତାୱିସ୍ତାମାନାର୍ ।" 3 ମାତର୍ ମିର୍ ଅରେନ୍ କାକୁର୍ତି ଲୋକ୍ତିଙ୍ଗ୍ ସାକାକିନିୱାଲେ, ଇୟାୱାଜା କିଦୁ, ଏଣ୍ତେସ୍ ମି ଲାକ୍ତୁରି ସଙ୍ଗ୍ ବା ଇୟା ମାଟା ନେସ୍ତେଙ୍ଗ୍ ଆଟ୍ଏନ୍ । 4 ଇୟାୱାଜା ମି ଇୟା ଦାନ୍ ମାର୍କ୍ସି ଆତିମାରିଙ୍ଗ୍ ବା ମି ୱିଜୁ ସୁଣି ବୁବା ମାର୍ଗିଜି ଆକା ସୁଡ଼୍ଜି ମିଙ୍ଗିଁ ପୁରସ୍କାର୍ ସିନାନ୍ ।
ପାର୍ତନା ବିସୟ୍ତାନ୍ ସିକିୟା
(ଲୁକ ୧୧:୨-୪)
6 ମାତର୍ ଏସ୍ତିୱାଲେ ମିର୍ ପାର୍ତନା କିନିଦେର୍, ନିଜେଦି ବାକ୍ରା ଲୋଇ ସାନ୍ଡ୍ରୁ, ସେର୍ଲା କେର୍ତୁ ମାରି ମି ତରାଇଆଇ ବୁବେଙ୍ଗ୍ ପାର୍ତନା କିଦୁ । ମିର୍ ମାର୍କ୍ସି ଆମାକା କିନିଦେର୍, ୱିଜୁସୁଣି ମୁସ୍କୁପୁର୍ତି ବୁବା ଆକା ସୁଡ଼୍ଜି ମିଙ୍ଗିଁ ପୁରସ୍କାର୍ ସିନାନ୍ ।