ରିଏର୍ ଦୁବାଆସ୍ତି ଲୋକାଙ୍ଗ୍ ଜିସୁ ନେଗେନ୍କିତାନ୍
28 ୱେନ୍କା ଜିସୁ ଗାଡା ଆୟା ପାଡ଼ିଦି ଗାଦରିୟରି ରାଜିଦୁ ଇତି ଦାପ୍ରେ ରିଏର୍ ଲୋକାଙ୍ଗ୍ ବେଟ୍ବୁଡ଼ାତାନ୍ । ୱାର୍ ଆବେ ମାନି ଦୁକିଗୁଟାଦୁ ତେବାଜିମାର୍ହାର୍ । ୱାର୍ ଦୁବେଙ୍ଗ୍ କାସ୍ତିକାର୍ ମାରି ନିସ ତିୟେଲ୍ଜେ ଆୟା ସାରିସିଜି ସନିୱାନିକା କିଦେଙ୍ଗ୍ ଏନ୍ ସାସ୍ କିଏଜିମାର୍ହାର୍ । 29 ୱାର୍ ଜିସୁଙ୍ଗୁଁ ସୁଡ଼୍ତି ଦାପ୍ରେ ଆଉଲି ଆଜି ଇର୍ହାନ୍, "ଏ ମାପୁରୁଦି ମାରିସି ! ମାବାଣ୍କୁ ନିନ୍ ଇନିକା ବଦାକିନି ? ମା ବେଡ଼ା ଆଏନ୍ଣ୍ତା ମାଙ୍ଗିଁ ଇନିକା ଦଣ୍ଡ୍ ସିଦେଙ୍ଗ୍ ୱାତିମାନି ?"
30 ଆବେଣ୍କୁ ଏସ ଆକଉଣ୍ତ୍ରି ପେରି ପାନ୍ଣ୍ତ୍ରିଙ୍ଗ୍ ମାନ୍ଦା ସାରାଜିମାର୍ଏ । 31 ଆୟା ଲୋକାମାନୁ ମାନି ତାଗ୍ଇ ଆତ୍ମେଙ୍ଗ୍ ଜିସୁଙ୍ଗୁଁ ମାଡ଼ିସ୍ କିଜି ଇର୍ଏ, "ମାଙ୍ଗିଁ ଜଦି ପେର୍ଦେଙ୍ଗ୍ ବଦାକିଜିନି, ଆୟା ପାନ୍ଡ୍ରି ମାନ୍ଦା ଲୋଇ ମାଙ୍ଗିଁ ପକ୍ଆ ।"
32 ଜିସୁ ଇର୍ହାନ୍, "ସାନ୍ଡ୍ରୁ" ଦୁବେଙ୍ଗ୍ ଦାପେ ଦାପେ ଲୋକାଙ୍ଗ୍ ଡ଼ିସ୍ସି ପାନ୍ଡ୍ରି ମାନ୍ଦା ଲୋଇ ଡ଼ୁଗିତେ । ପାନ୍ଡ୍ରି ମାନ୍ଦା ଉରୁକ୍ସି ସର୍ହେ ମାରି ଗରନ୍ ଟିପୁଦାନ୍ ଉରୁକ୍ସି ସଲ୍ସି ସାମ୍ଦୁର୍ତୁ ଆର୍ଜି ମୁଡ଼ୁଗିତେ ସାତେ ।
33 ପାନ୍ଡ୍ରିଆଙ୍ଗ୍ ସାଆରା କିନି ଲୋକୁ ଲାକ୍ତୁରି ଗାଡ଼୍କାଙ୍ଗ୍ ନି ନାର୍କାଙ୍ଗ୍ଁ ସଲ୍ସି ଦୁବେଙ୍ଗ୍ ଆସ୍ତି ଲୋକାଙ୍ଗ୍ ଇନିକା ଗଟାତାମାର୍ହାତ୍ ମାରି ଆଇ ୱିଜୁ ମାଟା ଆବେ ୱେର୍ତାର୍ । 34 ଆଦେଙ୍ଗ୍ ଆୟା ଗାଡ଼୍ତି ୱିଜେରେ ଜିସୁଙ୍ଗୁଁ ବେଟ୍ବୁଡ଼ାଦେଙ୍ଗ୍ ସହସି ୱାତାର୍ ମାରି ୱାନିଙ୍ଗ୍ ସୁଡ଼୍ତି ୱେନ୍କା ଆୟା ରାଜିଦାନ୍ ଡ଼ିସ୍ସି ସନ୍ଡ଼୍ରେଙ୍ଗ୍ ଜିସୁଙ୍ଗୁଁ ମାଡ଼ିସ୍କିତାର୍ ।
/images/a/b7d72741-6189-4a89-94c2-43952d9f2700)
/images/a/6c03efee-c76a-4ab8-fe2e-555683f90900)