ଜାଇରସ୍ତି ଗାଡ଼ି, ମାରି ଜିସୁଦି ସାଦର୍ ଜାଲି ମୁଟ୍ନି ଆଇମା
18 ଜିସୁ ଇୟାୱିଜୁ ସିକିୟା ସିନିୱାଲେ ଅରେନ୍ ଜିହୁଦି ପେରି ପାଣିକିନିକାନ୍ ୱାନି ଲାକ୍ତୁ ୱାଜି ମେଣ୍ତେଙ୍ଗ୍ ଗଟ୍କିଜି ଇର୍ହାନ୍, "ଇୟାଦାପ୍ରେ ନା ଗାଡ଼ି ସାତାମାନାତ୍ । ମାତର୍ ନିନ୍ ୱାଜ ତାନି ମୁସ୍କୁ କିୟୁ ଇଟ୍ତିଙ୍ଗ୍, ୱାଦ୍ ସତେନେ ଜିନାତ୍ ।"
19 ଦାପେ ଦାପେ ଜିସୁ ନିଙ୍ଗିଁତାନ୍ ମାରି ୱାନ୍ ନି ୱାନି ସିସୁର୍ ଆୟା ପାଣିକିନିୱାନି ୱେନ୍କା ୱେନ୍କା ସର୍ହାର୍ ।
20 ୱେନ୍କା ଅରେତ୍ ଆଇମାଲୋକ୍ ୱାନି ୱେନ୍କା ତରିଟାନ୍ ୱାଜି ୱାନି ୱାତି ଜାଲିଦିଙ୍ଗ୍ ମୁଟ୍ତାତ୍ । ୱାଦ୍ ବାର ବାର୍ସେକ୍ ସାନ୍ଦି ସୁତୁକ୍ ଆନି ରୋଗ୍ ଦଣ୍ତ୍ବଗାଜି ମାର୍ହାତ୍ । 21 ୱାଦ୍ ମୋନ୍ତୁ ମୋନ୍ତୁ ଅଡ଼୍ବିତାତ୍, "କେବଲ୍ ୱାନି ୱାତିଦିଙ୍ଗ୍ ମୁଟ୍ତେଙ୍ଗ୍ ଆଟ୍ତିଙ୍ଗ୍, ନାନ୍ ନେଗେନ୍ ଆନାସନା ।"
22 ଜିସୁ ମାର୍ଜି ବେସ୍ସି ତାନିଙ୍ଗ୍ ସୁଡ଼ୁତାନ୍ ମାରି ଇର୍ହାନ୍, "ଆଇଲି, ସାହାସ୍ ଆସ୍ଆ । ନି ବିସ୍ବାସ୍ ନିଙ୍ଗିଁ ନେଗେନ୍ କିତାମାନାତ୍ ।" ଆୟା ଦାପ୍ରେ ଆୟା ଆଇମା ନେଗେନ୍ ଆତାସର୍ହାତ୍ ।
23 ତାନି ୱେନ୍କା ଜିସୁ ଆୟା ଜିହୁଦିରି ପେରି ପାଣିକିନିୱାନି ଇଲ୍ତୁ ଇତାନ୍ । ଆବେଟ୍ ମୁସ୍ନିୱାଲେ ପିରଡ଼ି ଉକୁତେଙ୍ଗ୍ ଇଜି କୁକ୍ତିମାର୍ଇ ଲୋକ୍ ନି ଆଇ ଲୋକୁ ଆଉଲିଆଜିମାନିକା ସୁଡ଼୍ଜି, 24 ଜିସୁ ଇର୍ହାନ୍, "ୱିଜେରେ ଇବେଟ୍କୁ ସହସ ସାନ୍ଡ୍ରୁ ! ଆଇଲି ସାଏତ୍ । କେବଲ୍ ୱାଦ୍ ସୁସ୍ତାମାନାତ୍ !" ୱାନି ମାଟା ୱେନ୍ଜି ୱିଜେରେ ବାସେ କିତାର୍ । 25 ମାତର୍ ୱାର୍ ସତି ସର୍ରି ୱେନ୍କା ଜିସୁ ଆଇଲିଦି ବାକ୍ରାଦୁ ସଲ୍ସି ତାନି କିୟୁ ଆସ୍ସି ନିକ୍ତାନ୍ ମାରି ୱାଦ୍ ନିଙ୍ଗିଁତାତ୍ । 26 ଇୟା ଗଟ୍ନାଦି କାବୁର୍ ଆୟା ରାଜି ୱିଜୁ ତରିନ୍ ୱେଙ୍ଗିଁତା ସର୍ହାତ୍ ।
/images/a/WG5FS9VaSWVnVmV3VI8yP)
/images/a/a0208299-6f37-40a0-66e1-2576b9435f00)