9 ଜିସୁ ଆବେଟ୍କୁ ବୁଲାଜିସନିୱାଲେ ମାତିଉ ଦର୍ତି ଅରେନ୍ ସିସ୍ଟୁ ଲୋସ୍ନିୱାନିଙ୍ଗ୍ ନିଜେଦି ପାଣିକିନି ବାଡିଦୁ ବାସ୍ନିମାନିକା ସୁଡ଼ୁତାନ୍ ମାରି ୱାନିଙ୍ଗ୍ କୁକ୍ସି ଇର୍ହାନ୍, "ନା ୱେନ୍କା ୱେନ୍କା ରାଆ ।"
ମାତିଉ ନିଙ୍ଗ୍ଜି ୱାନି ୱେନ୍କା ସର୍ହାନ୍ ।
10 ୯:୧୦ ଲୁକ ୧୫:୧,୨. ଜିସୁ ମାତିଉରି ଇଲ୍ତୁ ଉଣିୱାଲେ ନାଣ୍ତ ସିସ୍ଟୁ ଲୋସ୍ନିକାର୍ ମାରି ପାପି ଲୋକୁ ୱାନି ୱାଲେ ମାରି ୱାନି ସିସୁରି ୱାଲେ ଉଣ୍ତେଙ୍ଗ୍ ବାସ୍ତାର୍ । 11 ଏସଲୋକ୍ ପାରୁସିର୍ ଆକା ସୁଡ଼୍ଜି ଜିସୁଦି ସିସୁରିଙ୍ଗ୍ ୱେନ୍ବାତାର୍, "ମି ଗୁରୁ ସିସ୍ଟୁ ଲସ୍ନିୱାରିୱାଲେ ନି ପାପିଲୋକା ୱାଲେ ଏନ୍ଦା ଅର୍ସେ ବାସ୍ସି ଉଣୁଜିନାନ୍ ।"
12 ଜିସୁ ୱାରି ମାଟା ୱେନ୍ଞ୍ଜି ଇର୍ହାନ୍, "ନେଗି ଲୋକା ଉଣ୍ତିଙ୍ଗ୍ ଡାକ୍ତର୍ତି ଲୋଡ଼ା ସିଲେତ୍ । କେବଲ୍ ରଗ୍ ଲୋକୁ ଡାକ୍ତର୍ତି ଲୋଡ଼ାକିନାର୍ । 13 ୯:୧୩ ମାତିଉ ୧୨:୭.ସାସ୍ତ୍ରଦୁ ରାସାତାମାନାତ୍, ନାନ୍ ବଦାକିନା ଦୟା, ପୁଜାସିନିକା ସିଲେ ଇୟା ମାଟାଦି ଅର୍ତ ଇନିକା, ସଲ୍ସ ବୁଜାଦେଙ୍ଗ୍ ବଦାକିଦୁ । ନାନ୍ ଦାର୍ମୁ ଲୋକାଙ୍ଗ୍ କୁକ୍ତେଙ୍ଗ୍ ରେଏ; ମାତର୍ ପାପି ଲୋକାଙ୍ଗ୍ କୁକ୍ତେଙ୍ଗ୍ ଇଜି ୱାତାମାନା ।"
ଉପାସ୍ ବିସୟ୍ତାନ୍ ୱେନ୍ବାତାର୍
(ମାର୍କ ୨:୧୮-୨୨; ଲୁକ ୫:୩୩-୩୯)