16 ✝ ୧:୧୬ ମାର୍କ ୮:୩୮. ଆୟା ସୁସମାଚାର୍‌ ମୁସ୍‌କୁ ନା ପୁରା ଆସା ମାନାତ୍‌ । ଆକା ପାର୍‍ତୁମ୍‍ ଜିହୁଦି ଲୋକାମାନୁ ମାରି ୱେନ୍‌କା ଅଣଜିହୁଦି ବିସ୍‍ବାସି ଲୋକାମାନୁ ଉଦାର୍‌ ପାଣି କିଦେଙ୍ଗ୍‌ ଇଜି ମାପୁରୁଦି ସାକ୍ତି ୱାଜା । 17 ଲୋକ୍‍ ମାପୁରୁ ଲାକ୍‍ତୁ ଏଣ୍ତେସ୍‌ ଦାର୍ମୁତିକାନ୍‍ ଇଜି ୱେଙ୍ଗ୍‍ଁଦେଙ୍ଗ୍‍ ଆଟ୍‍ନାନ୍‍, ତେନି ଉପାୟ୍‌ ଆବେ ତରାୟ୍‍ ଆତାମାନାତ୍‌ । ପାର୍‍ତୁମ୍‍ତାନ୍‌ ସାରାସାରି ସାନ୍ଦି ଉଦାର୍‌ ପୟ୍‍ନି ଉନ୍‍ଣ୍ତ୍ରିମାତ୍ର ଉପାୟ୍‌ ଆଜିନାତ୍‍, ବିସ୍‍ବାସ୍‍ । ବାକ୍ୟ ଇସାବ୍‍ତାନ୍‍, "ଜେ ବିସ୍‍ବାସ୍‍ତାନ୍ ମାପୁରୁଦି ଲାକ୍‍ତୁ ଦାର୍ମୁତିକାନ୍‍ ଇଜି ୱେଙ୍ଗ୍‍ଁନାନ୍‍, ୱାନ୍‌ ଜିନାନ୍‍ ।"