1 ✝ ୧୪:୧ କଲସିୟ ୨:୧୬. ବିସ୍‍ବାସ୍‍ତୁ ଏନ୍‌ ସାକ୍ତି ସିଲେନ୍‌, ୱାନିଙ୍ଗ୍‌ ଆସ୍‌ତୁ, ମାତର୍‌ ୱାନି ଜିବନ୍‍ତି ବିସୟ୍‍ତାନ୍‍ ୱାର୍‍ଗିମାଟ୍‍ । 2 ଅରେନ୍‍ ବିସ୍‍ବାସ୍‍ କିନାନ୍‍, ୱାନ୍‌ ଆମା କାଦିବା ଉଣ୍ତେଙ୍ଗ୍ଁ ଆଟ୍‍ନାନ୍‍, ମାରି ଅରେନ୍‍ ଡାଟ୍‍ ସିଲି ବିସ୍‍ବାସି କେବଲ କୁସା କାଦି ଉଣାନ୍‍ । 3 ଆମା କାଦିବା ଉଣ୍ତେଙ୍ଗ୍‍ଁ ଆମାୱାନି ଇନି ବାଦା ସିଲେତ୍‍, ୱାନ୍‌ କୁସା କାଦିଦିଙ୍ଗ୍‍ଁ କାଡ଼୍‍ମାକିନ୍‍ । ମାରି କୁସା କାଦି ଉଣିକାନ୍‍ କାଣ୍ତା ତିନି ୱାନିଙ୍ଗ୍‍ଁ ଦସ୍‌ ଅଡ଼୍‍ବିମାକିନ୍‍ । ଇରିଙ୍ଗ୍‍ଁ ମାପୁରୁ ୱାନିଙ୍ଗ୍‍ଁ ବା ବାସେକିତା ମାନାନ୍‌ । 4 ମିରୁ ଆଇୱାନି ଦାସ୍‍ତିଙ୍ଗ୍‍ ବିସାର୍‍ କିଦେଙ୍ଗ୍‌ ଇଜି ମିର୍‌ ଏରୁ ? ୱାନ୍‌ ୱାନି ପାଣିଦୁ ଏସା ଆକ ଜିଣାଜିନାନ୍‍ ମାରି ଆରାଜିନାନ୍‍, ଆକା ୱାନି ମାଲିକ୍‌ ବିସାର୍‍ କିନାନ୍‍ । ୱାନ୍‌ ସତେନେ ଜିଣାନାନ୍‍, ଇରିଙ୍ଗ୍‍ଁ ପ୍ରବୁ ୱାନି ଦାସ୍‍ତିଙ୍ଗ୍‍ଁ ଜିଣାକିଦେଙ୍ଗ୍‍ଁ ଇଜି ଡାଟ୍‍ ।