నిర్గమ 29

దెయ్లకెరె ప్రతిస్ట నియామ

1 అహారొను అమ్నె పొరకెర్ దెయ్యలకేర్ లఙ్ ఔరున్ ప్రతిస్ట కలేంఙ్ నీవ్ ఈ విదమడ్ కల్. 2 పొంగ్సేట సుట్ట నిపటేన్, పొంగ్సేట వెయ్గత్తా నూనేనడ్ కలపుత్ వేయ్గత్తావున్, నూనే దిటుత్ పతుర్ అప్పుడ్ సుమ్ము. 3 అదవున్ గోద్ము పిండినడ్ ఇదరేంఙ్. అదవున్ ఒకొ డాలత్ ఇడుత్న ఆ డాలన్, ఆ కుర్ర దుడ్డన్, ఆ ఇంది మెంటాక్ తొడవరేంఙ్. ఒక్కొ కుర్ర దుడ్డన్, లోపం తోసేటద్ ఇంది మెంటకెవున్ సుమ్ముమెఙ్. 4 అహరోనులున్ అమ్నే కీకేలున్ సన్నిదిత్ డేరత బోయ్ద్ద మెరా తోడవత్నా ఔరున్ ఈరడ్ ఈర్ ఒడ్పెంఙ్. 5 అహరోనుకున్ జుంఙ్ఙే తోడుత్న ఏపోదు నీలువు జగ్గే, ఏపోదు వక్సపకాన్ని తప్పుత్, అల్తద్ పని తా ముల్కే కట్టున్ అమ్నున్ కట్టేన్. 6 అమ్నే తల్ పొదే టోపి తొడ్పుత్ ఆ టోపి పొదే పవిత్ర కిరీటం ఇల్పేంఙ్. 7 మల్ల సుదుడ్త నూనె కోత్న అమ్నె తల్ పొదే పేయుత్ అమ్నున్ సుదుడ్ కలేంఙ్. 8 మల్ల అమ్నే కీకేలున్ వర్గత్ ఔరున్ జుంఙ్ఙె తోడ్గతేర్. 9 అహరోనుకుఙ్, అమ్నే కీకే ముల్కేత్ కట్టుత్ ఔరున్ టోపిక్ తొడ్పెంఙ్. ఈ విదమడ్ అహరోనున్, అమ్నే కీకేలున్ సియేంఙ్. యాజకత్వ నిర్వహన పదవి ఔరున్ చేసాద్. ఇద్ ఎప్పుడి ఇల్లుత్ అనేకా కట్టుబాటు. 10 నీవ్ సన్నిది కుప్పిత్ ముదర్వై ఆ కుర్ర దుడ్డన్ కోర్గలేంఙ్. అహరోనున్ అమ్నే కీకేలున్ ఆ కుర్ర దుడ్డన్ తల్ పొదే తమె కెయ్యు ఇడేంఙ్. 11 సన్నిది డేరంఙ్ సేరెకా దర్వోజా మెరా యెహోవా సన్నిదానముత్ ఆ కుర్ర దుడ్డన్ తర్గెకాద్. 12 ఇడ్తా ఆ కుర్ర దుడ్డన్ నేత్తురుత్ కొంసేం కోత్న ఇనే వేందేనాడ్ బావ్ సియెక బొల కోమ్ము పొదే దిటేంఙ్. మిక్తా నేత్తురున్ బావ్ సియెక బొలత్ పేయేంఙ్. 13 అద్నే పేగులున్, తర్ఙుడున్, ఇంది సింల్హ సుమ్మతా కోరువ్ పూరన్ పుసుత్ జోపిడేంఙ్ బావ్ సియెక బొలత్ సుడేఙ్. 14 ఆ కుర్రనె నంజుడ్, తోల్, అద్నే పెండ పూర డేర వకా సుడేఙ్. అద్ పాప్ మాపింఙ్ సటి సియేకా బవ్. 15 నీవ్ ఆ ఇంది మెంటకున్ ఒక్కోదున్ కో. అహరోనుఙ్, అమ్నే కీకె ఆ మెంటకున్ తల్ పొదే కేయ్యులిడేఙ్. 16 ఆ మెంటకున్ తర్గుత్ అద్నే నేత్తురున్ పుసుత్న బావ్ సియెక బొల తిర్గోరా నేత్తురున్ చల్తేంఙ్. 17 మల్ల ఆ మెంటకున్ అద్నే మేన్తా బాగలున్ ఎద్నేత్ అదుఙ్ పుసుత్న అద్నే పేగులున్, గేట్ట ఒడుత్న, అద్నే బాగలున్, తల్లున్ పూర పెర్పేఙ్. 18 మెంటకున్ ఆ బాగలున్ పూర బావ్ సియెక బొల పొదే సుడేఙ్. అద్ యెహోవాకుఙ్ హోమబలి. అద్ యెహోవాకున్ పరిమలం ఎరెకా మాన్తా హొమం. 19 మల్ల ఇక్కోకొమెంటకున్ కోత్న. అహరోను, అమ్నే కీకేలున్ ఆ మెంటన్నే తల్ పొదే తమె కేయు ఇడుత్న మల్ల 20 ఆ మెంటకున్ తర్గుత్ అద్నే నెతురున్ కోంసెం ఓగ్గుత్న అహరోనునే ఉన్న కెవ్వ డఙుత్ పొదే, అమ్నే కీకేనే ఉన్న కేవ్వుల డఙ్ఙుత్ పొదె, ఔరె ఉన్నా కేయ్, ఉన్నా గేట్టతా పెర్ వేందే పొదే చల్లుత్ మిక్తా నేత్తుర్ బావ్ సియెక బొల పొదే తిర్గొర చల్లేంఙ్. 21 బావ్ సియెక బొల పొదే అనేకా నేత్తుర్ కోంసేం, సుదుడ్ నునెత్ ఉసుటి, కోత్న అహరోనున్ పొదే, అమ్నే జుంఙ్ఙెలంతి పొదే, అమ్నే కీకే పొదే, ఔరె జుఙ్ఙె పొదే చల్లేఙ్. అప్పుడ్ అమ్దు అమ్నే జుఙ్ఙెలున్, అమ్నే కీకేలున్ ఔరె జుఙ్ఙేలున్ కుబ్ సొయ్ ఎర్సవ్. 22 ఆ మెంటక్లే సేవఙ్ సటి సోబతాద్ ఇస అద్నే కోరువున్, కోరువుతా తోకన్, పేగు పొదే అనేక కోరువున్, తర్ఙుడున్, ఇంది సింల్హ తిర్గొర అనేకా కోరువున్, ఉన్నా కుద్గున్ అలది పుసేంఙ్. 23 అదవున్ వెంట యెహోవాక్నే ముదర్వై అనేకా పొంఙ్సేట సుట్ట కుబ్రటె నిపటేన్, నూనేనడ్ వేయ్గత్త తిండిన్, ఒకొ పతుర్ పాప్డ కో. 24 అహరోను, అమ్నే కీకేనే కెయ్యులడ్ అదవున్ పూర ఇడేఙ్. మెలపేకా దుప్ సియెకద్ యెహోవా సన్నిదిత్ అదవున్ మేలపేంఙ్. 25 మల్ల ఔరె కేయ్యలతనా అదవున్ సుమ్ముత్న బావ్ సియెక బొల పొదె సుట్ట. అద్ యెహోవాక్ హోమబలి. అద్ యెహోవాకున్ పరిమలం ఎన్నాన్ మాన్నడ్ హోమం. 26 అహరోనునే సేవ సొయ్త సటీ నిమింస్తా ఆ మెంటక్నె సక్కున్ కోత్నా యెహోవాక్నే సన్నిదిత్ మేలపేకా అర్పన లఙ్ అదున్ మేలపేంఙ్. ఆ బాగం ఇన్నేత్ ఎర్సంద్. 27 సొయ్త ఆ మెంటక్లే ఇంతే అహరోనునే, అమ్నే కీకే కలైతదున్ అదున్ సక్కును, సొయ్త సక్కున్ అనుంఙ్ సియేంఙ్. 28 ఆ సొయ్త తన అహరోనునేత్, అమ్నే కీకేలెత్ ఎర్సంద్. అద్ ఇస్రాయేల్ మంది సితా కానుక. అద్ నిత్యమూ ఇల్లుత్ అనేకా కట్టుబాటు. అద్ ఇస్రాయేల్ మంది సియ్యెక సాంతి బలిక్ తనా యెహోవాకున సియ్యెక కానుక. 29 అహరోను కత్తా సొయ్త జుఙ్ఙె అమ్నున్ వెనకత్ అమ్నే కీకే వర్సర్. ఔరు సుదుడ్, సొయ్త ఎరేకా వేలంఙ్ ఔరు ఆ జుఙ్ఙే తోడేంఙ్. 30 అహరోనునే కీకే అమ్నున్ బద్లీ దెయలాకేర్ వృతి ఎర్ సుమ్మరో అమ్దు పవిత్ర జాగత్ సేవ కలేకాదున్ సన్ని కుప్పిత్ సేరేకా వేలంఙ్ పేలె ఏడ్ దినా తనా ఆ జుఙ్ఙే తోడేఙ్. 31 నీవ్ సొయ్త ఎద్ద ఓట్టులున్ కోత్నా పవిత్రంతా జాగత్ అదున్ ముర్యలున్ వేయ్గలేంఙ్. 32 అహరోను, అమ్నే కీకేల సన్నిదిత్ కుప్పి ముదర్వై మెరా ఆ ఓట్టులున్ ముర్యలున్, పరతుత్ అనేకా నిపటేలున్ తినేంఙ్. 33 ఔరున్ సొయ్త కలేకాదున్, పవిత్రకలేంఙ్ ఎదున్ వలాడ్ సేరెకా దర్వోజ మప్ కలెంఙ్ కత్ అండద్ అదవున్ ఔరు తినేంఙ్. అదవ్ పవిత్రంతాద్ కాబట్టి దెలక్ ఎర్సేటంద్ అదవున్ తినేంఙ్ తోద్. 34 సేవంఙ్ సటి సొయ్త ఎద్ద ముర్యలత్తి ఎనా, నిపటేలత్తి ఎనా తోల్లి దుక్ తనేదెనా మిక్తే అదవున్ సుడేఙ్. అద్ సొయ్త ఎద్దద్ ఇస అదున్ తినేంఙ్ తోద్. 35 అన్ ఇనుఙ్ ఆగ్య సితా గొట్టి ప్రకారం నీవ్ అహరోనుకున్ అమ్నే కీకేలున్ ఎర్గలేంఙ్. ఎడ్ దినా తనా ఔరు సేవ సొయ్త సటి తయర్ కలేంఙ్. 36 ఔరె పాపములుఙ్ డాపేఙ్ సటి ప్రతి దినం ఒకొ కుర్ర దుడ్డన్ బవ్ సిసార్. బావ్ సియెక బొల మాప్ కలెకదుంఙ్ అదున్ పాప్నె మపి ఎరెంఙ్ బవ్ సియేకాద్ అదున్ సుదుడ్ కత్ వపాస్ సియేంఙ్. 37 ఎడ్ దినా తనా బావ్ సియెక బొలంఙ్ సటి మాప్ కల్స అదున్ సొయ్ కలేఙ్. ఆ బలిపిటం కుబ్ సొయ్ అన్సంద్. బావ్ సియెక బొలన్ వరేకాద్ పూర సొయ్ ఎర్సంద్.

రోజి సియెక బావ్

38 బావ్ సియెక బొల పొదే ఎప్పుడి బవ్ సియేకాద్ ఎర్సనంసద్. ఒకొ సాల్ దూక్ వయ్ ఇంది గోర్రేనె కోవ్వేలున్ ప్రతి దినం బవ్ సియేంఙ్. 39 తోల్లిని ఒకొ గొర్రేనె కోవ్వేన్, సింతేవెల ఒకొ గొర్రేనె కోవ్వేన్ బవ్ సియేంఙ్. 40 తోలిని బవ్ సియేకా గోర్రేనె కోవ్వేన్ వెంట రూబుత్ పుస్తా నూనేన్ కలపుత్నా ఒకొ కీలొ పిండిన్, పానంతా అర్పన లీటర్ అంగుర్నే కల్ సియేంఙ్. 41 తోల్లి బవ్ సితేతి సింతేవెల సీంతేవెల గిన కలేంఙ్. యెహోవాకున్ దానెలె అర్పనన్ పాన అర్పన సియేంఙ్. అద్ యెహోవాకున్ హోమబలి. అద్ యెహోవాకున్ పరిమలం అనేకా మాన్తా హోమం. 42 ఇద్ యెహోవాకున్ జాగత్ దానముత్ డేరాత దర్వోజ మెరా నీర్ తరతరాలున్ బవ్ సియేకా హోమంబవ్. అన్ అత్తింఙ్ వత్ ఇమ్మున్ కలయుత్నా ఇమ్మడ్ ముడ్సతున్. 43 అత్తి ఇస్రాయేల్ మందిన్ కలయ్సతూన్. ఆ జాగత్ అనే మహిమా వలడ్ సొయ్ ఎర్సంద్. 44 అన్నె సన్నిదిత డేరాత్, బావ్ సియెక బొల సొయ్ కల్సత్. అనుంఙ్ దెయ్యలకేర్ అనేకాదున్ వలాడ్ అహరోను, అమ్నున్ కీకేలున్ పరిసుద్దం కల్సత్. 45 అన్ ఇస్రాయేల్ మందిన్ నడుమున్ బత్కేకారున్ ఔరున్ దెయ్యలఙ్ అన్సతూన్. 46 ఔరున్ నడుమున్ బత్కేకాదున్ తమ్మేత్ అమ్ ఐగుప్తు దేసం తనా వకా వర్గతా దెయ్యం అనీ ఇస ఔరు ఓర్కీల్సర్. ఔరు దెయ్యం యెహోవాక్ అనీ,