లూక్ 23

33 ఔర్ టొబ్ర పెరా జాగంఙ్ వాత్తె, ఔర్ అమ్నున్ అత్తి కుగ్‍తెర్ అని డొఙలున్ ఉన్న పకంఙ్ ఒక్కొనున్ అని ఎడమ పకంఙ్ సిలువ కుడ్కతెర్. 34 మల్ల యేసుంద్ ఇంతెంద్. బా, ఇవ్రున్ మాప్కల్ తానుంఙ్ ఇంతె ఇవ్రు తాగల్సరొ, అద్ద ఔరుంఙ్‍ ఒర్కి తోతెద్. సిపయిక్ అమ్నె జుఙ్ఙెలుఙ్‍ సాటీ సిటిక్ తప్పుత్న జుఙ్ఙెలున్ పైతెర్. 35 ఓల్సని మన్కకెర్ ఇలుంత్ అన్నెర్ గని దండి అమ్నున్ డవారి కత్న ఇంతెర్. ఇమ్‌ద మరొక్కొరున్ బత్కిప్తెంద్. నీ దెయ్యం నివ్డిప్త మాన్దార్ క్రీస్తుంద్ ఎరతె, తన్నెత్ తన్ బత్కద్.

36 సైనిక్ నాయ్ అమ్నున్ విరోద్ కత్తెర్ అని అమ్నున్వై వత్న పుల్లె రసాన్ అమ్నుంఙ్ సియ్‍తెర్. 37 అని ఇంతెర్: నీ యూదులె రాజక్ని ఎరతె నీ ఇన్నెత్ ఇనుంఙ్ బత్కిప్! ఇంతెద్. 38 మల్ల అమ్నున్ పొయ్ ఇనంఙ్ వయ్‍త గునల పట్టెన్ ఇటెర్. ఇమ్‌ద యూదు మన్కకెరె రాజక్.

39 కుడక్‍త డొంఙ్ లోప ఒక్కొద్ అమ్నున్ బద్నం కత్న ఇంతెంద్. నీ క్రీస్తునె మన్‍ తని ఎన్నివా? నీ బతక్ అని అన్న బత్కిప. 40 గని మరొక్కొద్ అమ్నున్ దట్టిపుత్ ఇంతెంద్. ఇనుంఙ్ న అది సిక్స వత్తిన్. నీ దెయ్యమున్ అర్సెవ? 41 నేండుంఙ్ బరబర్ న్యాయ్ రొబ్బటిన్. గని ఈ మన్కక్ కరాబ్ తనయ్ కలెతెద్. 42 అని ఇంతెంద్. ఎ, యేసు, నీ రాజ్యం ఎత్న వారెంఙ్‍, అన్ అది కల్. 43 అదుఙి అముదు అమ్నడ్, "ఈ దినం నీ అన్ వేంట పరలోకముత్ అన్సతి ఇస ఇన్నడ్ కరె ఇడ్సత్" ఇన్తెంద్.