Gênesis 12

О Дэл пхэнэл э Аврамески

1 О Сагбус о Яхвэ пхэнляс э Аврамески:

— Ачяв ти пху, то дюняс тай тэ дадэско кхер тай джя ки пху, сави Мэ туки кан сикавав.

2 Мэ кан керав тутар баро дюняс,

кан алгыштияв тут

тай кан керав намлыс то нав.

Ту аврэнги кан овэс бахт!

3 Мэ кан дав лачипэ одолэн,

кон мангел туки лачипэ,

тай кан дав арманя одолэс,

кон дэл арманя тут.

Булуб туки кан диндён бахт

алаи о дюнядэс опэр пху.