1 আপু ঈশ্বর রাঃআ হেৎদ যীশু খ্রীস্টরে পাতিয়ানিচ থিষলনীকীয় সরগ নাগার রিঙ্কূ মন্ডলী রাঃআ হান্ডে পল রাঃআ গিরা সেকাম, সীল হেৎদ তীমথিয় রাঃআ মৌন জহার। দায়াদুলাড় হেৎদ সুলুক আপে লঅ তাহীন কাঃআ।

2 আলে বিন্তি অক্তরেলে আপেয়া নুতুমকাতে আপেয়া যতচ কুরাঃআ নাতিনাং সবসময় ঈশ্বর রাঃআ সারহাওয়ে তানালে;

3 আলে আবুয়া ঈশ্বর বাঃআ রাঃআ সামাং রে আপেয়া পাতিয়া রাঃআ কামী হেৎদ আপেয়া দুলাড় রাঃআ খাটনি হেত্তেদ আবুয়া প্রভু যীশু খ্রীষ্টরাঃআ বাবদ আশা রাঃআ ধৈর্য্য লে সবদিন পাহামে তানালে।

4 চিয়াঃচি, এ বকইঞ তেকু ঈশ্বর রাঃআ দুলাড়িয়াকু, আলে সারিয়া লে, আপে বাছাকানা হড় তানা পে। এপিসিয় 1:4

5 চিয়াচি আলেয়া বুগিন বার্তা দ একেন জাগারতেদ লহয়, মেনখান দাড়িতে হেৎদ রিলামালা আত্মাতে হেৎদ বেশলেকা আটকার-নাম কেৎতেপে আপেয়া হান্ডে সেটেরলেনা, হেৎদ আপেয়া তালা রে আপেয়া নাতিনাং আলে চিল্কান লেকা মান্মি তাহীনকেনালে, ইনা মা আপে সারিয়াপে।

6 হেৎদ আপে কুঠিন দুখ সাহাকাতে লঅ রিলামালা আত্মা রাঃআ রাঃআসকাতে জাগারটাপে আতাং কেৎ তে আলেয়া হেৎদ প্রভু রাঃআ অনুকারীপে হুইয়ে না।

7 হেৎদ নেকাগে আপে মাকিদনিয়া হেৎদ আখায়াস্থ রেঙ্কূ যত পাতিয়ান হড় কুরাঃআ আদর্শ পে হুইয়ে না।

8 চিয়াচি আপেয়া হান্ডে হাতেন ঈশ্বর রাঃআ জাগার দঅ জাগারাকানা, একেন মাকিদনিয়া হেৎদ আখায়া এলাকারে দঅ ল্হয়, মেন্খান ঈশ্বর রাআ চেতাংরে আপেয়া অকা পাতিয়া, ইনা বাবদ যত থাংরে পাসরাঃআকানা, ইনা নাতিনাং আলেয়া যাহানা গামরাঃআ বাআয়না।

9 চিয়াচি ইঙ্কূ আকুগে আলেয়া বাব্ত্তে তে নিয়া বার্তা গাম পাসরাঃআয় কেনাকু যে, আলে আপেয়া হান্ডে চিল্কা আতাংদারাম লেনালে, মূর্তি বংগা কুয়া হাতেন চিল্কা ঈশ্বর রাআ থাংতে মনপে রুয়াড় কেয়া। যাতে জিউত হেৎদ সারি ঈশ্বর রাঃআ সেবা দেবা করা দাড়িকাআপে।

10 অকয়কে ইনিদ গচা কু হাতেন জিউত বিরিৎ তিৎআয়, অকয় দঅ হিজুতান মাহা রাঃআ রাঃআগ হাতেন আবুআ উদ্ধারকর্তা:যাতে সেরমা হাতেন হানিরাঃআ ইনি হনতেৎ যীশুরাঃআ হিজুরাআ তাঙ্গি রে তাহি দাড়িয়াকাআপে।