5 এন্তে পিতরকে জিহালরে আটক দঃহ হুইলেনায়, মেন্খান মন্ডলী ইনি রাঃআ নাতিরাং ঈশ্বর রাঃআ হান্ডে আগ্রহ লেকাতে বিন্তিইকেনাকু।
6 তায়মতে হেরোদ অকাহুলাং ইনিকে বাহারতে আগুইআয়, ইনা হুলাং আয়ুব বেত্রাং পিতর বার হড় সেনাকিন রাঃআ তালারে বারিয়া ঝিনঝিরিতে আটক কাতে গিতিচ লেনায় হেৎদ দুয়ার সামাংরে হরলাৎআকু।
7 নেলেপে, ইনা হুলাং প্রভু রাঃআ মিয়াৎ সরগ নাঙ্গা ইনিরা হান্ডে হিচেন্তে তিঙ্গুইনায় হেৎদ জিহাল অড়া মার্শাললেনা। ইনি পিতরকে হাতালাৎ লাতাররে তাপড়ি কিয়তে চির্গালকাতে গামকিয়ায়, ঘিড়মেন্তাং বিরিৎমে। ইন্তং ইনিরা বারতিহি হাতেন ঝিনঝিরি হলেজেনা।
8 তায়মতে ইনিকে সরগ নাঙ্গা গামকিয়ায়, মায়াং আটক ম হেৎদ আমা খড়ম12:8 খড়ম=খড়ম তুসিংঅম, ইনি ইন্তং ইনা করাকেয়ায়। তায়মতে সরগ নাঙ্গা ইনিকে গামাকিয়ায়, হড়মোরে কিচি এমকাতে ইঞা তায়ম তায়মতে হিজুম।নেকা লেকাতে ইনি রুক্ষীয়া নাম কেৎআয়।
9 ইনাতে ইনি উডুঙয়েন্তে ইনিরা তায়ম তায়মতে সেনঃঅ লাগায়নায়, মেন্খান সরগ নাঙ্গা রাঃআ দ্বারায়তে অকা করা হুইলেনা, ইনা যে সার্তি, ইনা ইনি কায় সারি নামলাৎ আয়, বরঞ্চ মনেকেয়ায়, ইনি কুকুমু নেলেতানায়।
10 হেৎদ ইনকিন এতব হেৎদ দশরা হরয়ানকু রাঃআ দল তায়ম গিডিকাতে, মেড়হেৎ রাঃআ দুয়ার কাতাতে হিচেনা কিন, কথাং হরকাতে শেহার তে সেনঃঅ হড় য়া, ইনা দুয়ার রাঃআ কবাট আয়তেগে হলেজেনা, ইনাতে ইনকিন উডুঙয়েন্তেকিন মিয়াৎ হরা রাঃআ মুকাম যাকিৎ সেনেঃএ নাকিন। হেৎদ আচকা গে সরগ নাঙ্গা ইনিরা হান্ডে হাতেন ছানেনায়।
11 ইন্তং পিতর আটকার নামকেৎ তে গামকেয়ায়, নাহাআ ইঞ আটকার নামকেয়াইঞ, প্রভু নিজে সরগ নাঙ্গা কে কুলকিয়ায়, হেৎদ হেরদ রাঃআ তিহি হাতেন হেৎদ ইহুদি হড়কুরা যত মনেরাঃআ আশা হাতেন ইঞকে রুক্ষীয়া কিঞাআয়।
12 নিয়া ব্যপারতে থুথীজাগার কাতে ইনি মরিয়ম রাঃআ অড়া দর সেএনায়, হানি ইনি যোহন রাঃআ মাইতেত, অকয় রাঃআ নুতুম মার্ক, এনথাংরে গাদালেকা হুন্ডি লেনাকু হেৎদ বিন্তিই কেনাকু।