1 হেৎদ ইনি (পৌল) দর্বিতে হেৎদ লুস্ত্রা শেহারতে সেটেরেনায় হেৎদ নেলেপে এনথাংরে তীমথিয় নুতুমিজ মিয়াৎ চেলা তাহীনকেনায়, ইনি মিয়াৎ পাতীয়ানিজ ইহুদি কুড়িরাঃআ হনতেদ মেন্খান ইনি রাঃআ বাঃতেৎ তাহীন কেনায় গ্রিক।

2 লুস্ত্রা হেৎদ ইকনিয়রে শেহাররে মেনায়ান পাতিয়ান হাগামিশিকু ইনি রাঃআ বাবদতে বেশ লুকুন্দী এম দাড়িয়াকু।

3 পৌল নানামেনায় যেন নিই হড় আয় লঅ সেনকাআয়; এন্তে ইনি তিমথি কে ইদিকিয়তে ইহুদি কুরাঃআ লেকাগে সুন্নু চুটি গেদকিয়ায়, চিয়াচি যতচ সারিয়াকু যে ইনি রাঃআ বাঃআতেদ গ্রিকতানায়।

4 হেৎদ ইঙ্কূ চিল্কা শেহার ঘুরা ঘুরাকাতে সেন কেনাকিন, ইঙ্কিন মন্ডলীকুকে হুকুম এমকেৎ কুয়াকিন যেন যিরুশালেম শেহার রেঙ্কূ কুলিচ কুরাঃআ হেৎদ মুরুব্বি কুরাঃআ অলাকান হুকুমকু মানা বাতায়কাআ।

5 নেএ নেকাগে মন্ডলীকু পাতিয়ারে কেটেজেনাকু হেৎদ মাহাদ মাহা গুঁডুর রে বাড়া ইমাহাকু।

6 পৌল হেৎদ ইনি রাঃআ গাতিকু ফারুগিয়া হেৎদ গলাতিয়া টলা হরকাতে সেনেনাকু চিয়াচি এশিয়া মুলুক দিশুমরে জাগার পাসনা নাতিনাং রীলামালা আত্মা হাতেন মানা তাহিন কেনা;

7 ইঙ্কূ মুশিয়া মুলুক ঠাইনতে সেটেরেন্তেকু বৈথুনিয়া মুলুক তে সেনঃঅ সানাকেৎ কুয়া, মেন্খান যীশু রা আত্মা ইঙ্কূকে সেনতে বাধা এমকেৎ কুয়ায়্য়।

8 এন্তে ইঙ্কূ মুশিয়া দিশুম বাগি কাতে ত্রোয়া শেহার তে সেনেনাকু।

9 নিদা বাতিরাং পৌল মিয়াৎ ভেট নামকেয়ায়, মিহুড় মাকিৎনীয় মুলুক রিনিজ কড়াহন কষামুদি কাতে ইনিকে রাঃআ কিয়ায় হেৎদ গামকিয়ায়, মাকিৎ নিয়া মুলুকতে হিচ কাতে আলেকে দেঙ্গালেম।

10 ইনি ইনা ভেট নাম থরা আলে মাকিৎ নিয়া দিশুমতে সেন নাতিরাং সাপড়ায়নালে, চিয়াচি আলে আটকার কেয়ালে ইঙ্কূ য়া তালারে বুগিনবার্তা পাসনা রাঃআ নাতিনাং ঈশ্বর আবুকে রাঃআতাৎ বুয়ায়।

11 আলে ত্রোয়া শেহার হাতেন দাঃআ হরকাতে সজেহে হরাতে সামথ্রাকি ঢিপ হেৎদ দশার হুলাং নিয়া পৌলি শেহার তে সেটেরেনালে।

12 এন্ডে হাতেন ফিলিপ শেহার তে সেনেনালে; ইনাটা মাকিৎ নিয়া মুলুক রাঃআ মারাং শেহার হেৎদ রোম শেহার িয় কু রাঃআ গিরাবাসী*। আলে ইনা শেহার রে কথকমাহা তাহিলেনালে।

13 হেৎদ ঝিরামাহা হুলাং শেহার রাঃআ মেন দুয়ার রাঃআ বাহারতে গাডাকাতা সেনেনালে, মনেকেয়ালে এনথাংরে বিন্তি রাঃআ জায়গা মেনা; আলে এনথাংরে দুবকাতে মিৎ দল এরাহন অকয় হিচ লেনাকু ইঙ্কূ লঅ থুতিনালে।

14 হেৎদ থুয়াতির শেহার রে লুদিয়া নুতুমিজ মিয়াৎ ঈশ্বরভক্ত বাহুকুড়ি, অকয় হালি কিচি আখরিঞেকেনায় ইনি আলেয়া থুতি আয়ুমেকেনায়। প্রভু ইনি রাঃআ অন্তর হলেজ কেয়ায় যেন ইনি পৌলরাঃআ থুতি মনদিয়া আয়ুমেকাআয়।

15 ইনি হেৎদ ইনি রাঃআ যত অড়া হড় ডুবুল হাতা তায়ম ইনি কষামুদি কাতেন গামাৎ কুয়ায়্য়, আপে যদি ইঞকে প্রভুরে পাতিয়ান মেন্তে দরবার িঞাপে এন্খান ইঞা অড়াতে হিচ কাতে তাহিনপে হেৎদ ইনি আলেকে নেলআতেন কাতে ইদিকেৎ লেয়ায়।

16 মিৎ মাহা হুলাং আলে ইনা বিন্তি থাংতে সেনকেনাল, ইনা হুলাং এটা দেবতা রাঃআ আত্মাতে পেরেজাকান মিয়াৎ ডাঙ্গুয়া কুড়িহন মুনিশ আলেয়া সামাংরে নুরেনায়, ইনি পেত্নীদ হাপেন মহাকুরে কিনাআ হুইয়া মেন্তে গেমৎ কেনায় ইনি রাঃআ গিরিয়া কুকে গাদা লাভোবানেৎ কুয়ায়্য়।

17 ইনি পেত্নী, পৌলরাঃআ হেৎদ আলেয়া তায়মতে সেন সেনতে কিকিচ কাতে গামকেয়ায় নিকু হড়কু হুইওতানা মারাং উতারিজ ঈশ্বর রাঃআ মুনিশ, নিকু আপেকে রুক্ষীয়া রাঃআ হরা গামাপে তানাকু।

18 ইনি পেত্নী, গাদামাহা যাকিৎ নেএ নেকা করা ইদিৎ কেনায়। মেন্খান পৌল কাদরাঃআ কেনায় খানঅ কয়ঃ ঘুরাকেৎ তে ইনি বাড়িচ আত্মাকে গামাকিয়ায়, ইঞ যীশু খ্রীষ্ট রাঃআ নুতুমতে আমকে হুকুমাম তানাইঞ, নিইরাঃআ হান্ডে হাতেন উডুঙ গদম। ইনাতে ইনা হুলাংগে পেত্নীআত্মা উডুঙয়েনায়।

19 মেন্খান ইনিরা মালিককু নেলকেৎয়াকু যে, রোজগার রাঃআ আশা উডুঙ গিডিয়া কানায় নেল কিয়তিকু পৌল হেৎদ শেলাস কে সাবকাতে বাজাররে মুখিয়া রাঃআ সামাংরে গহাড় ইদি কেৎকিনাকু;

20 হেৎদ শাসন কর্তাকুরা হান্ডে ইঙ্কিন কে আগুকাতে গামাৎ কিনাকু, নিকিন হড়কিন হুইওতানা ইহুদি, নিকিন আবুয়া শেহার রে গাদা সমস্যা তেয়ারে তানাকিন।

21 আবু রোম শেহার ীয়, আবুয়া অকা আরিচালি গ্রহণ হেৎদ মানা লাক্তি ল্হয় ইনাকু নিকিন পাসনাৎ তানাকিন।

22 ইনাতে হড়কু ইঙ্কিন বিরুধতে সেনেনাকু হেৎদ শাসন কর্তা ইঙ্কিন কিচি সিনিব হলেজ গিডি কেয়ায় হেৎদ হাপাতে দানাল রাঃআ নাতিনাং হুকুম কেৎকুয়ায়্য়।

23 ইঙ্কিন কে গাদা দাল আটক রাঃআ তায়মতে ইঙ্কূ জিহালরে এমকেৎ কিনাকু হেৎদ হুঁশিয়ারতে হরঅ নাতিনাং জিহাল হরয়ানকে হুকুম এমাৎকুয়ায়।

24 নে নেকা হুকুম নামকেৎ তে জিহাল রিনিজ পাহারাদার ইঙ্কিন কাটারে খাড়ুয়া লাগাকাতে জিহাল ভীতির রাঃআ অড়ারে হান্ডেত দঃহঅ কেৎ কিনায়।

25 মেন্খান তালানিদা পৌল হেৎদ শেলাস বিন্তি তানাকিন ঈশ্বর রাঃআ দিশা হমর বিন্তি হেৎদ দুরাং তানাকিন, এটা কায়দীকু ইঙ্কিন দুরাং লুতুর আডাকাতে আয়ুমেৎ কেনাকু।

26 ইন্তং আচকাগে অতে হিলায়না, এমনকি জিহাল অড়া রাঃআ ভিত যাকিৎ থারথার রাকাবেনা; হেৎদ তখুনি যত কবাট দুয়ার হলেজেনা হেৎদ যতচ রাঃআ ঝিনঝিরি আটক রাড়ায়না।

27 এন্তে জিহাল রখেয়া রাঃআ গিতিজ ভাঙ্গায়না হেৎদ জিহাল রাঃআ দুয়ারকু হলেজাকানা নেলকেৎতে নিজে রাঃআ কাপি উডুঙকেৎতে নিজেকে গজ রাঃআ নাতিনাং সাপড়ায়নায়, ইনি মনেলাৎ আয় আটক কু যতচ নিরাকানাকু।

28 মেন্খান পৌল কিকিচ কাতে রাঃআ কিয়তে গামাকিয়্যায়, নিজে জিউ আলম নাশেয়া, চিয়াচি আলে যতচ নেথাংরে মেনালেয়া।

29 এন্তে ইনি হরইচ মার্শাল আগু মেন্তে ভীতিরতে নির বলয়নায় হেৎদ বরতে একলান্তে পৌল হেৎদ শেলাস রাঃআ সামাংরে নুরেনায়;

30 হেৎদ ইঙ্কিন কে বাহার উডুঙকেৎ কিনতে গামাৎ কিনায়, গমকেকিন রুক্ষীয়া নাম নাতিনাং ইঞয়া কিনা চিকা হুইওয়া?

31 ইঙ্কিন গামায়াকিন, আম হেৎদ আমা পরিবার প্রভু যীশু রে পাতীয়াপে, ইনাতে আম হেৎদ আমা পরিবার রুক্ষীয়া নামেয়াপে।

32 তায়মতে ইঙ্কিন ইনিকে হেৎদ ইনি রাঃআ অড়া রিংকু যত হড়কে ঈশ্বর রাঃআ জাগার গামাৎ কুয়াকিন।

33 ইন্তং জিহাল রিনিজ কর্তা ইনা হুলাং নিদা ইঙ্কিন দাদাল রাঃআ চেগেড়কু আবুং সাপাকেৎ কিনায় হেৎদ ইনি রাঃআ অড়া হড় রেঙ্কূ যতচ হেৎদ নিজে ডুবুল হাতা কেৎয়াকু।

34 হেৎদ ইনি ইঙ্কিন কে চেতাংরাঃআ অড়াতে ইদিকেৎ কিনতে ইঙ্কিন সামাংরে জমা নয়াকু দঃহকেয়ায়। হেৎদ যত অড়া হড় লঅ ঈশ্বররে পাতিয়ানা খানঅ ইনি কুঠিন কুশিনায়।

35 হেৎদ চিন্তং আঙয়েনা, দরবার হুইয়াকান হরয়ান কুকে গামা কুলকেৎকুয়ায়্য় যে ইঙ্কূ হড়কুকে সেন তকাকূপে।

36 জিহাল হরয়িইজ পৌলকে নিয়া খবর এমাকিয়ায় যে, দরবার কান আবেনকে আড়া গিডি নাতিনাং গাম কুলতিঞায়। এন্তে আবেন নাহা বাহারতে হিজুবেন হেৎদ সুলুকতে সেনঃবেন।

37 মেন্খান পৌল ইঙ্কূ কে গাম কেৎ কুয়ায়্য় য় ইঙ্কূ আলিং রোম শেহার িয় হড় কিন বেগর দরবার রে হড় কুয়া সামাং রেকু দল কেৎ লিংয়া হেৎদ কু হাজত কেৎ লিংয়া চিয়া নাহা দ উকু-উকু তেকু আড়ালিং তানা?এনকা দ কা হুই দাড়ি য়া ইঙ্কূ আকু গে হিচ কাতেকু কয়্তুকা লিং কা।

38 হেৎদ পাল্টন কু নিয়া থুতি হাকিম কেকু গাম কেৎ কুয়া হেৎদ ইঙ্কিন রোম শেহার িয় তানা কিন মেন্তে আয়ুম কেৎ খান বর কেয়া।

39 হেৎদইঙ্কূ হিচ লেন তেকু বুঝা কেৎ কিনা হেৎদ ইনকিন উডুঙ কেৎ কিন তে শেহার হাতেন উডুঙঅ বেনমেন্তেকু বিন্তি কেৎ কিনা।

40 হেৎদ ইঙ্কিন পৌল হেৎদ শেলাস জিহাল অড়া হাতেন উডুঙ য়েন তে লুদিয়া রা অড়া তে হেৎদ হাগা কুকে নেল কেৎ কুতে হেৎদ চেদ কেৎ কুতে কিন সেনে না।