1 আপৌল্লো অকা হুলাং করিন্থ নগররে তাহিন কেনায়, ইনা হুলাং পৌল বুরু টোলা হরকাতে ইফিষ নগরতে হিজেনায়। এনথাংরে কথক চেলাকু লঅ নাপামেনায়,

2 হেৎদ পৌল ইঙ্কূকে গামাৎ কুয়ায়, চিন্তং আপে বিশ্বাসী হুইলেনাপে ইন্তং আপে দচি রীলামালা আত্মা নামলাআপে? ইঙ্কূ ইনিকে গামাকিয়াকু, রীলামালা আত্মা যে মেনা, ইনা থুতি আলে কালে আয়ুমতাৎআ।

3 ইনি কুলিকেৎ কুয়ায়্য়, এন্খান কিনাতে ডুবুন লেনাপে? ইঙ্কূ গাম রুয়াড় কেয়াকু, যোহনরাঃআ ডুবুনতে।

4 পৌল গামকেয়ায়, যোহন মন পাল্টা রাঃআ ডুবুলতে ডুবুলেৎ কেন পেয়ায়, হড়কুকে গামকেৎ কুয়ায়, অকয় ইনিরা তায়মতে হিজুআয়, ইনিকে অর্থাৎ যীশুকে পাতিয়া হুইওয়া।

5 নিয়া থুতি আয়ুমকাতে ইঙ্কূ প্রভু যীশুরাঃআ নুতুমতে ডুবান হাতাকেয়াকু।

6 হেৎদ পৌল ইঙ্কূয়া চেতাংরে তিহি দঃহ কাতে বিন্তিকেয়ায় খানঃঅ রীলামালা আত্মা ইঙ্কূ য়া চেতাংরে হিজেনা, ইনাতে ইঙ্কূ নাআহানা জাগারতে থুতি গাম হেৎদ হাপেন জাগার গাম লাগায়নাকু।

7 ইঙ্কূ যতচ তে মোট গেল বার কড়াহন তাহিন কেনাকু।

8 হেৎদ ইনি সমাজ অড়ারে সেনকাতে আপি বঙ্গা সাহস লঅ থুতি গামকেয়ায়, ঈশ্বর রাঃআ মুলুক রাঃআ বিষয় যুক্তিতে বুঝাকেৎকু য়ায়।

9 মেন্খান কথক হড় দয়াবানু হেৎদ বেঃরাহী য়েন্তেকু হড়কু রাঃআ সামাংগে ইনা হরারাঃআ নিন্দা লাগায়নাকু, হেৎদ ইনি ইঙ্কূ য়া হান্ডে হাতেন সেনেএন্তে চেলাকুকে ভিনাকেৎকু য়ায়, হার মাহা তূরান্ন রাঃআ আখড়া অড়া রে থুথি জাগার লাগায়নাকু।

10 নেকাগে বার সির্মাং সেনেনা, ইনাতে এশিয়া মুলুক মুলুকরে বাসায়ান ইহুদি হেৎদ গ্রীক যতচ গে প্রভু রাঃআ জাগার আয়ুম কেয়াকু।

11 ঈশ্বর পৌল রাঃআ তিহি হরকাতে গাদা হাহাড়ায কামী কেয়ায়,

12 নেকাগে পৌল রাঃআ হড়মো হাতেন ইনিরাঃআ তিজোৎ চি হড়মছা রুয়া-হাসুতান হড় কুরাঃআ হান্ডে আগু লেন্খান ইঙ্কূ য়া রুয়া-হাসু বুগিকেনা হেৎদ বাড়িচ আত্মা উডুঙওকেনা।

13 কথক হড় দাড়ান ইহুদি ওঝাকুহঅ প্রভু যীশু রাঃআ নুতুম কাতে বাড়িচ আত্মাতে নামাকান হড়কে বুগিতে কুরুমুটু কেয়াকু, হেৎদ গাম কেয়াকু, পৌল অকয়কে পাস্নায়ায়, ইনি যীশুরাঃআ নুতুমতে ইঞ আপেকে উডুঙ রাঃআ নাতিনাং হুকুমা তানাপিঞ।

14 হেৎদ স্কিবা নুতুমিজ মিয়াৎ ইহুদি ডিহি বামড়ে রাঃআ সাতটা কড়াহন তাহীন কেনাকু, ইঙ্কূ নেকায় কেনাকু।

15 ইনাতে বাড়িচ আত্মা গাম রুয়াড় কাতে ইঙ্কূ কে কুলিকেৎ কুয়ায়, যীশুকে ইঞ সারিঞ, পৌল কেহঅ সারিঞ, মেন্খান আপে অকয়?

16 ইন্তং অকা হড়টা বাড়িচ আত্মাতে সাবলিয়ায়, ইনি ইঙ্কূ য়া চেতাংরে জেহেৎ কাতে নুরেনায়, বার্ হড়কে এনকা দাড়িতে লাঠা দঃহঅ কেৎ কিনায় যে, ইঙ্কিন ডেন্ডে হেৎদ পুটুর-চেগেড়েন্তেকিন অড়া হাতেন নিরেনাকিন।

17 হেৎদ ইনা ইফিষ রেঙ্কূ যত ইহুদি হেৎদ গ্রীক হড়কু সারিনামকেয়া, ইনাতে যতচ বরয়নাকু হেৎদ প্রভু যীশুরাঃআ নুতুম গৌনজহার কেয়াকু।

18 হেৎদ গাদা পাতিয়ান হড় হিজলেনাকু হেৎদ ললয়েন্তেকু ইঙ্কূয়া আকুয়া আকুয়া বেবাড়িচ কামি হেৎদ স্বীকার উদু লাগায়নাকু।

19 হেৎদ অকয় পাইটকার কামিকেনাকু, ইঙ্কূ য়া তালারে গাদাকু নিজে নিজেরাঃআ পুথি আগুকাতে হুন্ডিকেৎ তেকু যতচ রাঃআ সামাংরে আতার তরেচ কেয়াকু, ইনা যতরাঃআ দাম হিসাব কাতে নেল নামেনা, ড়েলি জুলু রুপা রাঃআ কাউডি।

20 নেকাগে প্রভু রাঃআ জাগার হাহাড়াগে বাড়ায়না হেৎদ পাতিয়ান হড় কুহঅ ডেরে নাকু।

21 নিয়া যত কামী চাবা তায়ম পৌল রীলামালা আত্মাতে ভরেনতে গটা কেয়ায় যে, ইনি মাকিদনিয়া হেৎদ আখায়া সেন তায়ম যিরুশালেম শেহার সেনায়, ইনি গাম কেয়ায়, এনথাংতে সেন তায়ম ইঞকে রোম শেহার নাগার হঅ নেল হুইওয়া।

22 অকয় ইনিরাঃআ সেবায় কেনাকিন, ইঙ্কিন বারহড়কে, তীমথিয় হেৎদ ইরাস্তকে, মাকিৎ নিয়াতে কুলকেৎ কিন্তে ইনি নিজে কথক মাহা এশিয়া মুলুক রে তাহীনায়।

23 ইনা হুলাং নিয়া প্রভু রাঃআ হরা ইদিকাতে রেটেপেটে হুইয়েনা।

24 চিয়াচি দিমীত্রিয় নুতুমিজ মিয়াৎ রৌপ্যকারিগরী দেবী টুসু (দিয়ানা) রাঃআ রুপা বাড়িচ বাইয়েৎ কেনায় হেৎদ কারিগরীকুকে যাহুকামি জোগাড়েৎ কেনকুয়ায়।

25 ইনি হড়টা ইঙ্কূকে হেৎদ ইনা ব্যবসা রেঙ্কূ কারিগরী কুকে রাঃআ কাতে গামকেৎকুয়ায়, গমকেকু, আপে সারিয়াপে, নিয়া কামী দ্বারায়তে আলে আরজায়ালে।

26 আপে নেলেয়াআপে হেৎদ আয়ুমেয়াআপে, একেন নিয়া এফিষরে লহয়, প্রায় গোটা এশিয়া মুলুকরে নিই পৌল গাদা হড়কে প্রভাব তাৎ কুয়ায়, নিয়া গামতাৎ আয় যে, অকা দেবতা তিহিতে বাইয়াকানা, ইঙ্কূ ঈশ্বর লহয়।

27 এন্তে নিয়া বরঃঅ বুঝাতানা, একেন আবুয়া ব্যবসারাঃআ দুর্নাম হুইওয়া, ইনাদ লহয়, মেন্খান মারাং দেবী দিয়ানা*19:27 হাসা চি ধিরি রেনিচ বানা কুড়ি ঠাকুর। রাঃআ মন্দির ধাসা চাবা, অটঅ ইনিকে কাকু ছুতাংইয়া, অকয়কে গোটা এশিয়া মুলুক, এমনকি, গোটা দুনিয়া বঙ্গাইয়াকু।

28 নিয়া থুতি আয়ুমকাতে ইঙ্কূ হড় রাগেন্তেকু কিকিচ কাতে গাম লাগায়নাকু, ইফিষয় রেঙ্কূরাঃআ দিয়ানাগে মারাং দেবীতানায়।

29 ইনাতে নাগার রে রেটেপেটে লাগায়না, হেৎদ হড়কু মিশাতে এনেচ আখড়া রাঃআ হান্তে নিরকেয়াকু, মাকিদনিয়া রিনকিন গায় হেৎদ আরিষ্টার্খ, পৌল রাঃআ নিকিন বারহড় গাতিকিনকে সাব ইদিকেৎ কিনাকু।

30 ইন্তং পৌল হড় রাঃআ হান্ডে সেন নাতিনাং মনকেয়ায় খানঃঅ চেলাকু কাকু সেনতুকালিয়া।

31 হেৎদ এশিয়া মুলুক রেঙ্কূ হাকিমকু রাঃআ তালারে কথক হড় গাতি তাহিলেনাকু মেন্তে ইনিরাঃআ হান্ডে হড় কুল কেৎকু তে নিয়া কষামুদি কিয়ায়, যেন ইনি রঙ্গ ডাহিতে নিজে রাঃআ বিপদ ঘটাতে আল সেনঃঅ কাআয়।

32 হেৎদ নায়িজ-হানিজ হড় নাআহানা থুতি গামকাতে কিকিজে কেনাকু, চিয়াচি দরবার রেটেপেটে লাগালেনা হেৎদ কিনা মেন্তে হুন্ডিলেনাকু, ইনা গাদা হড়গে কাকু সারিকেনা।

33 ইন্তং ইহুদিকু আলেকসান্দরকে সামাংরে হাজির কিয়াকু খানঃঅ হড়কু রাঃআ তালা হাতেন ইনিকে উডুঙ কিয়াকু, ইনাতে আলেকসান্দর তিহিতে চুন্দুল কাকেৎ তে হড় কুরাঃআ হান্ডে সায় নাতিনাং কুরুমুটু কেয়ায়।

34 মেন্খান চিন্তং ইঙ্কূ সারিনাম কেয়াকু যে, ইনি, ইহুদি তানায়, ইন্তং যতচ মিৎসুরতে বার্ ঘান্টি লেকা নিয়া গামকাতে কিকিচ লাগায়নাকু, এফিষ শেহার রিনিজ দিয়ানা গে মারাং দেবী তানায়।

35 মুচাদরে নাগার রিনিজ কোটাল হড়কুকে হাপেকেৎকু তে গামকেৎকু য়ায়, দুলাড়িয়া ইফিষীয় নাগার হড়কু, গামেপে সিনাং, ইফিষীয় নাগার কুরাঃআ নাগার রে অকা মারাংদেবী দিয়ানা রাঃআ হেৎদ নীরালা হাতেন উয়ুয়াকান মূর্তি রাঃআ ধিরি কেচা হড়কু রাঃআ তালারে, অকয় কাকু সারিয়া?

36 এন্তে নিয়া থুতি কা-পাতিয়া রাঃআ যাহানা হরা বায়ায়না সারিকাতে আপে থির থার তাহিন হেৎদ অবিবেচনা রাঃআ যাহানা কামি লাক্তি ল্হয়তানা।

37 চিয়াচি নিকু যে হড়কুকে নেথাংরে আউতাৎ কুয়াপে, ইঙ্কূ বাড়িচ কুম্বুড়ুহঅ লহয়, আবুয়া মারাংদেবী রাঃআ বিরুধরে কাকুহঅ ধর্মনিন্দায়া।

38 এন্তে যদি যাহায়রাঃআ বিরুধরে দীমীত্রিরাঃআ হেৎদ ইনিরা হঃঅ কারিগী কু রাঃআ যাহান অভিযোগ তাহিনা, এন্খান কাচারী হজেল মেনা, দিশুম রেঙ্কূ নাপরাং কুহঅ মেনাকুয়া, ইঙ্কূ আকুয়া বিরুধরে লালিচে কাআকু।

39 মেন্খান আপেয়া এটা যাহানা দাবি দাওয়া যদি তাহিনা, এন্খান সারা হুলাং রাঃআ দরবার ইনা শালা হুইওকা।

40 সাধারনতঃ তিহিংরাঃআ ঘটনা রাঃআ নাতিনাং ইঞকে সাসেৎ সাতাও মেন্তে আলেয়া নুতুমতে লালিচ হুইও রাঃআ বর মেনা, যেহুতু নিয়ারাঃআ যাহান কারণ বায়ায়না, নিয়া হড় হুন্ডি রাঃআ বাব্ত্তে তেলা রুয়াড় এম রাঃআ হরা আলেয়া বায়ায়না।

41 নিয়া গামকাতে দরবার রেঙ্কূ হড় কুকে রুয়াড়কেৎকু য়ায়।