1 নিয়া তায়মতে ড়েলিমাহা হুলাং ইহুদি কুরাঃআ সাকরাত পরব ভোজ রাঃআ তায়ম সাকরাত মাহা কে সাকরাত রাঃআ মাহা গামেয়াকু। মাহা সেটেরানা, ইঙ্কূ যতচ মিৎ মনেতে, মিৎ থাংরে হুন্ডিয়েনন্তেকু বিন্তিরে তাহিনকেনাকু।✝2:1 লেবিয় 23:15-21; দশার বিবরণী 16:9-11 2 ইন্তং আচকাগে নিরালা হাতেন কুঠিন জোরতে হয়অ রাঃআ সাডি লেকা সাডি হিচেনা, অকা অড়ারে ইঙ্কূ দুবলেনাকু, ইনা অড়া রাঃআ যত থাংরে ইনা পাসরায়না। 3 হেৎদ আলাং লেকা নেলতে এনকান গাদা সেঙ্গেলরাঃআ এলাং ইঙ্কূ নেল নামকেৎয়াকু হেৎদ ইনাকু ইঙ্কূ মিমিৎ কুরাঃআ চেতাংরে হিচ সেটেরেনা। 4 ইনাতে ইঙ্কূ যতচ রীলামালা আত্মাতেকু পেরেজেনা হেৎদ আত্মা অকয়কে চিল্কা চিল্কা জাগারতে গামরাঃআ দাড়ি এমকেৎকুয়ায়্য়, এনকাগে ইঙ্কূ এটা এটা জাগারতে থুতি গাম এহব কেৎয়াকু। 5 ইনা হুলাং যীরুশালেম শেহার রে বাসায়ান ইহুদিকু রাঃআ হেৎদ নিরালা রাঃআ লাতাররে মিমিৎ জাতি হাতেন হিচাকানা কু ঈশ্বর রাঃআ হড়, এনথাংরে তাহিন কেনাকু।