Atos 2

পিতর রাঃআ গাগাম

14 ইন্তং পিতর গেলে মিৎ কুলিচকু লঅ তিঙ্গুয়েন্তে জোরতে কিকিচ কাতে ইঙ্কূয়া দিশা কাতে গামকেৎয়ায়্য়, এ ইহুদি হেৎদ যিরুশালেম শেহার রিঙ্কূ বাসিন্দাকু, আপেয়া নিয়া রাঃআ অর্থ সারি জরুর তানা, ইনাতে আপে ইঞা থুতি মনতে আয়ুমেপে। 15 চিয়াচি আপে কিনা আটকারে তানাপে ইনা দ লহয়, নিকু হড়কু যাহায় বুল-ভূতুড়াঙ লহয়, চিয়াচি নাহা এখেন সেতা বাসিয়ামা (নয় টাড়াঙ) কানা। 16 মেন্খান নিয়াটা ইনা ঘটনা তানা, অকা বাবত তে যোয়েল ভাবি জাগারিজ গামতাৎআয়,✝2:16 যোয়েল 2:28-30 17 "মুচাৎ মাহা রে এনকা হুইওয়া, ঈশ্বর গামেয়ায়, ইঞ যতচ মান্মি রাঃআ চেতাংরে ইঞা আত্মা দুলেয়াইঞ, ইনাতে আপেয়া কড়াহন হেৎদ কুড়িহনকু ভাবি জাগার গামেয়াকু, আপেয়া জুয়ানকু ভেট নামেয়াকু হেৎদ আপেয়া হাড়াম-বুঢিকু হঅ কুকুমু নেলেয়াকু। 18 অট ইনা হুলাংকুরে ইঞ ইঞা মুনিশ হেৎদ মুনিশ কুরাঃআ চেতাংরে ইঞা আত্মা দুলেয়াইঞ, হেৎদ ইঙ্কূ ভাবি জাগার গামেয়াকু। 19 ইঞ নিরালা চেতাংরে নাআহানা আদভূত লক্ষণ হেৎদ লাতার ধার্তিরে নাআহানা চিহ্না, মায়ম, সেঙ্গেল হেৎদ শুকুলরাঃআ রিম্বিল উদুয়াপেয়াইঞ। 20 প্রভু রাঃআ ইনা মাপরাং হেৎদ বিশেষ মাহা রাঃআ হিচু মাড়াঙতে বেলা নুম্বাগোআয় হেৎদ চাঁনডু মায়ম লেকা আরাচাবাআ। 21 হেৎদ এনকা হুইওয়া, যতচ অকয় প্রভু রাঃআ নুতুমতে রাঃআয়াকু, ইঙ্কূ রুক্ষীয়া নামেয়াকু। 22 এ খেরোয়াল রিঙ্কূ হড়কু নিয়া থুতি আয়ুমেপে। নাসরত রিনিজ যীশু হাহাড়া, পরাক্রম হেৎদ বুগিন কামিরাঃআ চিহ্না হরকাতে আপেয়া হান্ডে ঈশ্বর রাঃআ হাতেন প্রমাণিত মান্মি, ইনি রাঃআ মাধ্যমতে ঈশ্বর আপেয়া তালারে নিয়া যত কামি তাৎআয়, চিল্কা আপে যতচ সারিয়াপে, 23 ইনিকে ঈশ্বর রাঃআ মাড়াঙ পরিকল্পনা লেনায় হেৎদ আকেল লেকাতে সম্পা হুইলেনায় হেৎদ আপে ইনিকে অধার্মিক কুরাঃআ দ্বারায়তে ত্রুশরে হাকা কাতে গয়চ লিয়াপে। 24 ঈশ্বর গজঃঅ জ্বলান লাড়েচ কাতে ইনিকে গজঃঅ হাতেন রাকাব তিইআয়, চিয়াচি ইনিকে সাব দঃহঅ গজঅ রাঃআ সাধ্য কাঃআ তাহীনকেনা।✝2:24 2 শামুয়েল 22:6; দুরাঃআং মালা 18:4; 116:3 25 চিয়াচি দায়ুদ রাপাজ ইনি রাঃআ বাবদতে গামতাৎআয় "ইঞ প্রভুকে হার মাহা ইঞা সামাংরে নেলিকেনাইঞ, চিয়াচি ইনি ইঞা মান্ডি তিহি দররে মেনাইয়া, যেন ইঞ আলঞ আকা পাকা কাইঞ। 26 নিয়া নাতিনাং ইঞা মন কুশিআয় হেৎদ ইঞা আলাং সারাও মান্তেয়ায়, হেৎদ ইঞা হড়মোহঅ আশারে বাসাআয়। 27 চিয়াচি আম ইঞা জিউ পাতাল পুরিরে কাম বাগি তুকায়া, হেৎদ নিজেরাঃআ রীলামালা হড়কে ক্ষয় কায় নেল দাড়িকুআয়। 28 আম ইঞকে জিউরাঃআ হরা উদুতিঞআম, আমা মেৎ মুহাড়তে ইঞকে কুশিতে পেরেজিঞাম।✝2:28 দুরাঃআং মালা 16:8-11 29 হাগাইঞকু, ইনি মুশিঞ রিনিজ কূল হাপড়াম দাউদ রাপাজ রাঃআ বাবত তে ইঞ জোরকাতে গাম দাড়িআইঞ যে, ইনি গয়চাকানায় হেৎদ ইনিকে কবর এম হুইয়াকানায়, হেৎদ ইনি রাঃআ কবর তিহিঞ যাকিৎ আবুয়া তালারে (1 রাপাজ) 30 এন্তে, ইনি ভাবি জাগারিজ তাহিন কেনায় হেৎদ সারিকেনায়, ঈশ্বর দিব্যি কাতে নিয়া এক্ড়ার করালাৎ আয় যে, ইনি রাঃআ কূল রিনিজ মিহুড়কে ইনি রাঃআ কূলাসন রে দুবিআয়, 31 হেৎদ ইনি খ্রীষ্টরাঃআ গচ হাতেন জীউৎ রাঃআ বাবত তে নিয়া থুতি গামলাৎ আয় যে, ইনিকে পাতাল পুরিরে কায় বাগি তুকা কানায়, ইনি রাঃআ হড়মো কা শয়াআ।✝2:31 দুরাঃআং মালা 16:10 32 নিই যীশু কেগে ঈশ্বর গয়চ হাতেন রাকাবতিয়ায়, আবু যতচ অকয় রাঃআ লুকুন্দী তানাবু। 33 এন্তে, আপে অকা নেলতাৎ আপে হেৎদ আয়ুমতাৎ আপে, ইনা নিয়াতানা, যে, ঈশ্বর রাঃআ মান্ডি তিহি দররে রাকাবঅ রাঃআ তায়মতে হেৎদ এক্ড়ার লেকাতে বাঃ রাঃআ হাতেন রীলামালা আত্মা আতাং হাতা তায়মতে, যিশু কে ইনি ইনা আইদারী দুল তাৎআয়। 34 চিয়াচি রাপাজ দাউদ সেরমাতে কায় রাকাবা কানায়, মেন্খান নিজে নিয়া থুতি গামতাৎআয় "প্রভুঈশ্বর ইঞা প্রভু কে গামা কিয়াআ, আম ইঞা মান্ডি তিহি দররে দুবমে, 35 চিমিন ভুর ইঞ আমা বাইরিকুকে আমা কাটা দঃহ রাঃআ জায়গা কাইঞ বানহাআ।✝2:35 দুরাঃআং মালা 110:1 36 খেরোয়ালকু রাঃআ যত কূল নিশ্চিত সারিপে যে, অকয়কে আপে ত্রুশরে হাকা লিয়াপে, ইনি যীশু কেগে ঈশ্বর প্রভু হেৎদ খ্রীষ্ট বারানকিন কেগে করাতিৎ ইয়ায়।*2:36 লুকা 1:33; রোম শেহারান 11:26

আপি জুলু হড় মন্ডলীরে খন্জা য় নাকু

37 নিয়া থুতি আয়ুমকাতে ইঙ্কূয়া অন্তর কুঠিন আঘাত লাগায়না, হেৎদ ইঙ্কূ পিতর হেৎদ এটা কুলিচ কুকে গামকেৎ কুয়াকু "বকইঞতালেয়াতুকু আলে কিনা চিকায়াআলে? 38 ইন্তং পিতর ইঙ্কূকে গামাৎ কুয়ায়্য় য় "আপে যতচ আপেয়া কাই ঈকা রাঃআ নাতিনাং মন পাল্টায়পে হেৎদ যীশু খ্রীষ্ট রাঃআ নুতুমতে ডুবুলোঅপে, এন্খান রীলামালা আত্মা রাঃআ ভর নামেয়াপে। 39 চিয়াচি নিয়া এক্ড়ার আপে হেৎদ আপেয়া হন-হপনকুরাঃআ নাতিনাং হেৎদ অকয় সাঙ্গিনরে হেৎদ চিন্তি হড়কে প্রভু আবুয়া ঈশ্বর রাঃআ আউকুয়ায়্য়য়। 40 অটঃহঅ গাদা থুতি গামকাতে ইনি লুকুন্দী ী এমলাৎআয় হেৎদ ইঙ্কূকে কষামুদি কাতেন গামালাৎ কুয়ায়্য় য় "নিয়া কাল রিঙ্কূ বাড়িচ হড়কু রাঃআ রেয়াজ হাতেন আপে নিজে কুকে রখেয়াকূপে।✝2:40 দশার বিবরণী 32:5; দুরাঃআং মালা 78:8 41 ইন্তং অকয় পিতর রাঃআ থুতি আয়ুম কেৎয়াকু, ইঙ্কূ ডুবুল হাতাকেৎয়াকু, ইনাতে ইনা হুলাং প্রায় আপি জুলু*2:41 জাহার = জুলু আত্মা ইঙ্কূলঅ পাতিয়ান কু লঅ মেশা খন্জায়নাকু।