1 ইনা অক্ত রোমীয় মারাং রাপাজ আগস্ত কৈসর রাঃআ হান্ডে হাতেন নিয়া হুকুম উডুনঙ্গেনা, গোটা ধারতি রেঙ্কূ মানমি নুতুম অলেকাঃআকু।

2 সুরিয়া মুলুক রিনিজ পারহড় কুরিনীয় রাঃআ সময় মাড়াং নিয়া নুতুম অল হুয়েনা।

3 জতয়্গে নুতুম অল নাতিনাং আকুয়াআ আপান আপিন সরগ নাগারতে সেঃএনাকু।

4 হেৎদ জোসেফ হঃঅ গালিলরাঃআ নাসরত সরগ নাগার হাতেন যিহুদিয়ারাঃআ বৈথলেহেম নুতুমান দাউদ রাঃআ সরগ নাগারতে সেঃএনায়, চিয়াচি ইনি দাউদরাঃআ কূল হেৎদ গুষ্টি জাইত তাহিকেনায়।

5 ইনি আয়া নেল দহ এরা মরিয়ম লঅ নুতুম অল নাতিনাং সেঃএনাকিন, ইন্তং ইনিদ পয়াতি তাহিন কেনায়।

6 ইঙ্কিন বেত্লেহেমরে সেটে রেন খান কিন ইনা যায়গারে,মরিয়ম রাঃআ লাহিচ হাসু এহ্তব এনা।

7 হেৎদ ইনি আয়া পুড়ুহা কড়াহনকে জনম কিয়ায়, হেৎদ ইনিকে কিচিতে পটম কাতেন তাড় ধামারে গিতিজ দহ কিয়ায়, চিয়াচি আকিনা নাতিনাং তাহীনরাঃআ জাহানা জায়গা কা তাহীন কেনা।

8 ইনা টলা রে বাগালকু মাঠরে তাহীনকেনা, হেৎদ আয়ুব বাতিরাঃআং আকুয়াআ আকুয়াআ পাল হরঃ কেনাকুয়াকু।

9 হেৎদ আচ্কাগে প্রভু রাঃআ মিয়াৎ সরগ নাগা আকুয়াআ কাতাতে হিচ সেটের কাতেন তিনগুইনায়, হেৎদ প্রভু রাঃআ তারাস আকুয়াআ চারুধার ঝালকায় নায়, ইনাতে আকু কুঠিনগেকু বরঃ কেয়া।

10 ইন্তং সরগ নাগা ইঙ্কূ কে কুলিকেৎ কুয়ায়্য় য়, আলপে বরঃআ, চিয়াচি নেলেপে, ইঞ আপেকে আসু রাঃআসকারাঃআ বুগিন জাগার সারিতকা তানাপিং, ইনা রাঃআসকা যতচ মান্মি কুরাঃআ নাতিনাং হুয়ুয়া।

11 চিয়াঃচি তিহিং গে দাউদরাঃআ শেহার রাঃআ বেত্লেহেম রে বাঞ্চাও নি জনমাঃ কানায়, ইনিদ খ্রিষ্ট প্রভু।

12 হেৎদ আপেয়া নাতিনাং ইনাগে চিন্হা, আপে নেল নামেয়াপে, মিয়াৎ বালেজ হন কিচিতে পটম অটঃ তাড়-ধামারে গিতিজ মেনায়া।

13 হেৎদ আচ্কাগে ইনি সরগ নাগা লো গাদেল গাদেল সেরমা বাহিনী ঈশ্বর রাঃআ সারহা- দুরাঃআং তানাকু হেৎদ গামেতানাকু।

14 চেতানরে ঈশ্বর রাঃআ মহিমা হুয়ুকা, অতে-দিশুমরে আয়া কুশিয়াতান হড়কুয়া হান্ডে সুলুক-রিয়া তাহীন কা।

15 সরগ নাগা কু আকুয়াআ হান্ডে হাতেন সেরমা-দিশুমতে সেনঃ কাতেন হেৎদ ভিডি গুপিকু নাআই হানীকে কুকলিতানাকু, চল আবু মিসা বেথলেহেম ধাবিজ সেন্লোকায়াবু, হেৎদ নিয়া ব্যাপার প্রভু আবুকে সারি তকাকেৎ বুয়ায়, ইনা সেনকাতেন নেললেয়াবু।

16 হেৎদ আকু তাড়াসতে তাড়মকাতেন মরিয়ম অটঃ জোসেফ হেৎদ ইনা যাবপাত্ররে গিতিজাকানায় বালেজ হনকে নেল নাম্কিয়ায়।

17 নেল কাতেন হনরাঃআ বেপারতে অকা থুনিয়া তি ইঙ্কূ কে গম হুইলেনা, ইনা গম সদর কেৎয়াকু।

18 ইনাতে যাহানতি হড় ভিডি গুপিকুয়া মচা হাটেন নিয়া থুতি আয়ুম কেৎয়াকু, জতয়্গে নিয়া যত বাব্ত্তে তে হায়কাট চাকানাকু।

19 মেন্খান্দ মরিয়ম ইনা যত থুতি অন্তর ভিতার আটকার কাতেন মনেরে রেবেত দহ কিইয়ায়্য়।

20 হেৎদ ভিডি গুপিকুকে চিল্কা গাম হুইলেনা, হন্কু এঙ্কাগে যতচ ই নেল-আয়ুম কাতেন ঈশ্বর রাঃআ সারহা হেৎদ দুরাঃআং-দুরাঃআংতে রুয়াড় হিচে নাকু।

21 হেৎদ চিললং হনটারাঃআ নাতিনাং আঠ মাহা পুরাঃআয়নায়, ইন্তং ইনি রাঃআ যীশু নুতুম দহ হুয়েনায়, নিয়া নুতুম আয়া লালিজরে হাইরাঃআ মাড়াংতে সরগ নাগা দ্বারাঃআয়তে দঃহ হুইনেনা।*2:21 আদি পুথু 17 :12, লেবি 12 :3

22 হেৎদ চিললং মোশিরাঃআ বেবস্থালেকাতে ইনিকে নারতা অড়া চাবায় না, ইন্তং ইঙ্কূ ইনিকে যীরুশালেমতে ইদি কাতেন, সেএনাকু, যাতে ইনিকে প্রভু রাঃআ কাতারে আগুইকায়।*2:22 লেবি 12:6

23 চিল্কা প্রভু রাঃআ বেবস্থারে অল মেনা, যতচ পুড়ুহা কড়াহন জন্মকানাকু প্রভু নাতিনাং রিলামালা/রিলামাল নুতুমমেয়াকু।*2:23 লেবি 13:২, 12 24 চিলকা প্রভু রাঃআ রি-চালিরে মেনা মিত জোড়া পুতাম হেৎদ মিত জোড়া পেরোয়া হন*2:24 লেবি 12 :8

25 হেৎদ নেলেম, সিমিয়ন নুতুমতে মিয়াত হড় যীরুশালেমরে তাহিন কেনায়, ইনি ধার্মিক/ ঈশ্বর বরঃ হেৎদ ভক্ত, ইস্রাঃআয়েল রাঃআ জিউ রাঃআরেজ নাতিনাং তাংগি তাহীন কেনায়, হেৎদ রিলামালা আত্মা ইনি রাঃআ চেতাংরে তাহীন কেনায়।*2:25

26 আর রিলামাল আত্মা দ্বারাঃআয় তে আয় সদররে নায়, ইনি প্রভু মাসি/ খ্রিষ্ট কে আউরি নেল ধাবিজ কা গজ নেল আয়।

27 ইনি ইনা রিলামালা আত্মা দ্বারাঃআয় জাহের স্থান তে হিচে নায়, হেৎদ হন যীশু রাঃআ মাই-বা ইন্তং আয়া আরি-চালি পুরাঃআও নাতিনাং আয়কে ভীতির তে হাম্বুদ আদের কিয়াকিন।

28 ইন্তং আয় ইনিকে কয়ংরে হাতাকিয়ায়, হেৎদ ঈশ্বরকে সারহা কিয়ায়, হেৎদ গামকিইয়ায়্য়,

29 এ প্রভু নাহা দ আমাঃ জাগার লেকাতে আমাঃ মুনীস তাম শান্তিতে দিসুম হাতেৎ রাকাপ ইদিংমে।

30 চিয়াচি ইনআ মেত্কিন আমাঃ বাঞ্চাও নেল কেয়াকিন,

31 অকা আম যতোই হড়কু নাতিনাং তেয়ার দহ তাম,

32 এটা জাতই সদর আ নাতিনাং মিয়াত মার্শাল, আর আমাঃ হড়/ প্রজা *2:32 জিসাই 42:6, 49 :6 ইস্রাঃআয়েলরাঃআ মহিমা গে হুয়ুকা।

33 হেৎদ ইনি রাঃআ মাইতেত অটঃ বাঃতেত হায়কাটা কানাকিং নিয়া নাতিনাং কিনা ইনি রাঃআ বাব্ত্তে তে গাম কেয়া কিন।

34 আর সিমিওন ইনকিন কে ভরাঃআয়েত কিনায়, হেৎদ ইনি রাঃআ মাইতেত মরিয়ম কে গামকিয়ায়, নেলেম, ইনি ইস্রাঃআয়েল রাঃআ ঢের লেকা হড়কুকে ভিংড়া অটঃ বিরিৎ রাঃআকাব কুয়ায়্য় য়, হেৎদ ইনিদ মিয়াত চিন্হা হুয়ুয়া অকয় বিরূধ রেকু গামেয়া। জিসাই 8:14 -15

35 আর খড়গ/তারওয়ারী আমাঃ অন্তররে যত তাব তাম ইনাতে গাদালেকা কুরাঃআ অন্তর রাঃআ হুদিস সদর কা

36 আসের কূল রিনিজ পনুয়েলেরাঃআ হনরাঃআতেত হান্না নুতুমতে মিহুড় ভাবি-জাগারিজ কুড়ি হন তাহিলেনায় ইনি রাঃআ গাদা বয়স হুয়লেনা (বুডিয়া কানায় গঙঅ রাঃআ তায়ম একেন এয়াই সির্মাং হাড়াম তেত/জামাইতেত তাহীন কেনায়

37 ইনিদ উপুন ইসি উপুন সির্মাং -ধাবিজ রাঃআন্ডিতে কাতেন তাহিনা কানায় আর জাহের স্থান হাতেন কা অচ গিডি কাতেন /লেনায় সিঙ্গি-নিদা উপোশ/বার কয় জং/আরাঃআজ কাতে সেবা য়েতকেনায়

38 ইনিদ ইনা ঘাড়িগে হিজু কানায় আর প্রভুকে সারহা কিয়ায়/তানাই অটঃ যীরুশালেম রে ছাডাও নেল হরতানায় যত হড় কে যীশুরাঃআ থুতি গামলাগায় নাকু।*2:38 জিসাই 52 :9

39 প্রভু রাঃআ চালি লেকাতে যত কামী পুরাঃআও চাবানতে ইঙ্কূ গালিলরে আকুয়াআ শেহার নাসরততে রুয়াড় ইমাহা াকু

40 পরে বালক যীশু হারাঃআ বুরুইনায় আর দাড়িতে পেরেজে নায় আর আকিলতে পেরেজ তাহিনায় অটঃ ঈশ্বর রাঃআ দায়া আয়া চেতান তাহি মেনা

41 আয়া এঙ্গা আপুতেত তিকিন হার সির্মাং সেনঃ পারম/সাক্রাত পরবরে যীরুশালেম সেনে নাকিন।*2:41 সেসেন 12 :24 -27 দ্বিতীয় বিবরন 16 :1-8

42 ইনারাঃআ গেল বার সির্মাং হুইলেখান ইঙ্কিন পরবরাঃআ চালি লেকা যীরুশালেমতে সেএ নাকিন

43 পরব চাবান তে অড়া রুয়াড় কেনা/কেন কিন এন্খান হন যীশু যীরুশালেমরে তাহিনায় মেন্খান আয়া মাই-বা তেত তিকিন কাকিন সারিয়া

44 ইনিদ আকুয়াআ যাত্রীকুয়া মিসাতে/সঙ্গেতে মেনায়া হেৎদ মিত মাহা হরাঃআকিন সেনে নাকিন পর গেয়াতি/পাহি অটঃ চিনা হড়কুয়া তালারে ইনি পানতি তে কাকিন নাম্কিয়া আর ইঙ্কিন দ যীরুশালেমতে রুয়াড় সেএ নাকিন।*2:44 মিৎ মাহা তাড়ম হরা-সাপ্তাম 20-30 কি মি

45 হেদ তে আয়কে কা পানতি নামতে পাঞ্জা নাতিনাং যীরুশালেম সেএ নাকিন

46 আপি মাহা তাড়ম হরা তায়্ম ইঙ্কিন আয়কে জাহের স্থান রে নামকিয়াকিন ইনিদ শাশতর পন্ডিতকুয়া তালারে দুপ কাতেন ইঙ্কূ য়া থুতি আয়ুমে কেনায় হেৎদ ইঙ্কূ কে কুকলি কুলি কেনা কুয়ায়্য় য়

47 আর যাহায় আয়া থুতি আয়ুমে কেনাকু যতচ ইঙ্কূ আয়া আকিল অটঃ গাম রুয়াড় এতে ঠাক হায়কাট এ চায়নাকু

48 ইনিকে নেল কাতে আকুগে হাহাড়ায়েনাকু হেৎদ আয়া মাইতেত ইনিকে গামকিয়ায় এ বাবু আম আলিং ল নেকান চিয়া বেবহার কেয়াম ? নেলেম আমাঃ বা তামা অটঃ ইঞ ভাবনাতেলিং পানতি কেনা মিয়ালিং

49 ইন্তং আকিনকে গম রুয়াড় কেৎ কিনায় চিয়াঃ আবিন ইঞ কে পাঞ্জা তানা বেন আবেন চি কবেন সারিয়া ইঞ কে আপুং রা আ অরারে তাহিহুয়য়া নিয়া চি কাবেন সারিয়া

50 ইনি আকিনকে অকা থুতি গাম কেৎ কিনায় ইনা একিন কাকিন আটকার দাড়িলায়

51 হেত তে আকিনলো আড়গু কাতেন নাসরত সরগ নাগার তে অটঃ সেএ নাকিন/নাকু অটঃ আকিনা হাতলারে তাহিনায় আয়া মাইতেত যত থুতি আয়া অন্তররে দহঃ কিইয়ায়্য়

52 পরে যীশু আকিলতে আর হড়মো তে হারাঃআ ইমাহা ায় আর ঈশ্বর হেৎদ মানমি কুরাঃআ কাতারে দায়াতে রাঃআকাব ইমাহা ায় *2:52 1 সামুয়েল 2 :26 নীতি জাগার 3 :4