BaKolose 1

Nhu unoyi Khirisitu neN’hingo uwe

15 Khirisitu umfananidzo weNdzimu usingabon’we, ndiye mbano yembumbiko yose, 16 ngobe muwunli zwinhu zose zwakabumbiwa, zwikudzimu nezwimuhango, zwinobon’wa nemeho nezwisingabon’we, kungabe zwigalo zwebuhe kene butongi kene masimba emeya kene butungamili; zwinhu zose zwakabumbiwa muwunli kakale zwibumbigwa iye. 17 Khirisitu waka elipo zwinhu zose zwisanhu zwikabepo, kakale muwunli zose zwinhu zwimubugalo gwazo gwakatambunuka. 18 Ndiye n’holo wembili, ilo gubungano lebagalimoyo*1.18 gubungano lebagalimoyo kungabviwa bose bagalimoyo bamubugalo gose, gose lubaka, ndiye mabambo, mbano yebakamusiwa kubafi, kuyetila kuti iye yega abe nebugalo gwekutanga muna kose. 19 Ngobe Ndzimu bakahanha kuti pelela kwabo kube muwunli, 20 muwunli, Ndzimu wakabgwilulanya kuwunli zwinhu zose, kungabe zwimuno muhango kene zwikudzimu, eyeta lunyalalo ngemalopa awe akatebuka patjileyanyo.