Shoshi Ɗalapa Vi Awɔ Bi Ni
12 Shɔwɔ yɛ shanɛ,<<Shɔ ãng nyabatɛ nɛn pɛli vigbete n kasi pɛlinɛ yɛ piti kpai.>>Nizɛ; ama ɓa vi piti kpai tɔ̃vɨn awɔ biini ɓa. N yɛn shanɛ shɔ yasin nyabatɛ nɛn pɛli vi piti kpai, n yɛn kasi ɓa nɛn yaa viwɔrɛ nɛu risin u foo ɓa. 13 Shɔwɔyɛ sha sɔ̃n ji nɛ,<<Kn pɛ yɛti ɓɛɛ, yɛti sɔ̃njo kn ɓɛɛ.>> Nizɛ; ama Ɗalapa yɛ n ti ko-pi vigbete piya u nyayisinɛtɔ. Shɔji pɛli bi ɓanɛ shɔu roori a zɔni ɓa, ama nɛ shɔu shoshi Uɓeyelapa vi awuni; Uɓeyelapa ukɔ yɛ ã yɛti virɛ. 14 Ɗalapa yusi Uɓeyelaparɛ a saa, ukɔ ma yɛ yusiu lapa sɔ̃njo au kaka. 15 Ɔ zɛtɛttɔ nɛ ɔ gboki bi pɛ Yesɔ ɓɛɛ. N yɛn tuu Kirisi gboki bi kati nɛn risiu vi roorinɛ a zɔni ya? Yɛ pɛli ɓa! 16 Wɔba ɔji zɛɓa nɛ shɔgbete au kɛ tuu u binɛ u ɓasi a suu kpãntang ɓɛɛ i ɔ̃kɛ gbete awuni ɓaya? Ɗanyaruubii shaji ɓili weze nɛ,<< Shɔzɛ ziti iyɛ ɔ̃kɛ gbete.>> 17 Ama shɔgbete kɛ ɓasiu binɛ Uɓeyelapani yɛ ɔ̃kɛ suru gbete awuni.
18 Ɔ yaa kpãntang pɛlinɛ kati. Ruuvini gbete shɔwɔ pɛliyɛ ɗiu bi ɓa; ama shɔgbete kɛ pɛli kpãngtang nɛ si pɛliu bi ruuvinitɛ. 19 Ɔ ji zɛɓa nɛ ɔ bi pɛ wɛrɛ Ɗa gbete Suru Wɔsɔ-wɔsɔ u a ɓuzɨn ni gbete Ɗalapa ãwɔyɛ ɓaya? Ɔji zɛɓanɛ ɔ yuu ɓa ɔ ɓɛɛ ɓa, pɛ Ɗalapa ɓɛɛ; 20 Ɗalapa wootɔ a vitɔ̃vɨng wɔɔ pẽniba au shanyatɔ yɛ. Arumkɔ ɔ shovi awɔ biini a ɗɔɔ Ɗalapa bassinɛ.