Eclesiastes 3

सब कामों को एक निश्चित समय

1 हर एक बात को एक अवसर अऊर हर काम को, जो धरती पर होवय हय, एक समय हय। 2 जनम को समय, अऊर मरन को समय; अऊर बोयो हुयो ख उखाड़न को भी समय हय; 3 मारन को समय, अऊर चंगो करन को भी समय; गिराय देन को समय, अऊर बनावन को भी समय हय; 4 रोवन को समय, अऊर हंसन को भी समय; शोक करन को समय, अऊर नाचन को भी समय हय; 5 गोटा फेकन को समय, अऊर गोटा जमा करन को भी समय ; गलो लगावन को समय, अऊर गलो लगावन सी रूकन को भी समय हय; 6 ढूंढन को समय, अऊर खोय देन को भी समय; बचाय रखन को समय, अऊर फेक देन को भी समय हय; 7 फाड़न को समय, अऊर सीवन को भी समय; चुप रहन को समय, अऊर बोलन को भी समय हय; 8 प्रेम करन को समय, अऊर दुश्मनी करन को भी समय; लड़ायी करन को समय, अऊर मिलन को भी समय हय।