यूहन्ना 20

यीशु को थोमा पर प्रगट होनो

24 पर बारायी चेला म सी एक, यानेकि थोमा जो दिदुमुस कहलावय हय, जब यीशु आयो त उन्को संग नहीं होतो। 25 जब दूसरों चेला ओको सी कहन लग्यो, "हम न प्रभु ख देख्यो हय!"

तब ओन उन्को सी कह्यो, "जब तक मय ओको हथेली म खिल्ला सी भयो छेद देख नहीं लेऊ, अऊर खिल्ला सी भयो छेद म अपनो बोट नहीं डाल लेऊ, तब तक मय विश्वास नहीं करू।"

26 आठ दिन को बाद ओको चेलाये घर को अन्दर होतो, अऊर थोमा ओको संग होतो; अऊर द्वार बन्द होतो, तब यीशु आयो अऊर उन्को बीच म खड़ो होय क कह्यो, "तुम्ख शान्ति मिले।" 27 तब ओन थोमा सी कह्यो, "अपनो बोट इत लाय क मोरो हाथों ख देख अऊर अपनो हाथ लगाय क मोरो हथेली म डाल, अऊर अविश्वासी नहीं पर विश्वासी बन।"

28 यो सुन क थोमा न उत्तर दियो, "हे मोरो प्रभु, हे मोरो परमेश्वर!"

29 यीशु न ओको सी कह्यो, "तय न मोख देख्यो हय, का येकोलायी विश्वास करयो हय? धन्य हि आय जिन्न बिना देख्यो विश्वास करयो।"