Marcos 4

37 तब अचानक बड़ी आन्धी तूफान आयी, अऊर लहर डोंगा सी यहां तक टकरावन लगी कि ऊ पानी सी भरन लगी। 38 यीशु खुद जहाज को पीछू को भाग म मुन्डेसो लगाय क सोय रह्यो होतो। तब चेलावों न ओख जगायो अऊर कह्यो, "हे गुरु, का तोख चिन्ता नहाय कि हम मरन पर हय?"

39 यीशु न उठ क आन्धी ख आज्ञा दियो, "शान्त रह, थम जा!" अऊर आन्धी थम गयी, अऊर बड़ो चैन मिल गयो। 40 तब यीशु न अपनो चेलावों सी कह्यो, "तुम कहाली डरय हय? का तुम्ख अब भी विश्वास नहाय?"

41 हि बहुतच डर गयो अऊर आपस म बोलन लग्यो, "यो आदमी कौन आय? कि आन्धी अऊर लहर भी ओकी आज्ञा मानय हय!"