मरकुस 5

35 जब यीशु कह्य रह्यो होतो कि आराधनालय को मुखिया को घर सी लोगों न आय क कह्यो, "तोरी बेटी त मर गयी, अब गुरु ख कहालीकि परेशान करय हय?"

36 पर यीशु न उन्की बात नहीं सुनी पर उन्की बात पर ध्यान नहीं दियो, अऊर आराधनालय को मुखिया सी कह्यो। "मत डर; केवल विश्वास रख।" 37 अऊर ओन पतरस, याकूब, अऊर याकूब को भाऊ यूहन्ना ख छोड़ क, अऊर कोयी ख भी अपनो संग आवन नहीं दियो। 38 याईर अधिकारी को घर म जाय क यीशु न, लोगों ख भ्रमित अवस्था म बहुत रोवत अऊर चिल्लावत देख्यो। 39 तब ओन घर को अन्दर जाय क उन सी कह्यो, "तुम कहाली भ्रम म हय? कहाली रोवय हय? बेटी मरी नहीं, पर वा सोय रही हय।"

40 हि ओकी मजाक उड़ावन लग्यो, येकोलायी ओन सब ख बाहेर निकाल क बेटी को माय-बाप अऊर अपनो तीन चेलावों को संग ऊ कमरा को अन्दर गयो, जित बेटी पड़ी होती। 41 अऊर बेटी को हाथ पकड़ क ओको सी कह्यो, "तलीता कूमी!" जेको मतलब आय, "हे बेटी, मय तोरो सी कहूं हय, उठ!"

42 अऊर बारा साल की वा बेटी तुरतच उठ क चलन फिरन लगी; येको पर लोगों ख बहुत आश्चर्य भयो। 43 तब ओन उन्ख चिताय क आज्ञा दियो कि या बात कोयी ख मत बतावो, "अऊर येख कुछ खान ख देवो।"