यहोशू 19

शिमोन को वंश ख दियो गयो हिस्सा

1 दूसरी चिट्ठी शिमोन को नाम पर, मतलब शिमोनियों को कुलों को अनुसार उन्को कुल को नाम पर निकली; अऊर उन्को हिस्सा यहूदा को अधिकार को बीच म होतो। 2 ✝19:2 १ इतिहास ४:२८-३३उन्को हिस्सा म हि नगर हय, बेर्शेबा, शेबा, मोलादा, 3 हसर्शआल, बाला, एसेम, 4 एलतोलद, बतूल होर्मा, 5 सिकलग, बेत्मर्काबोत, हसर्शूसा, 6 बेतलबाओत, शारूहेन; हि तेरा नगर अऊर इन्को गांव उन्ख मिल्यो।

7 फिर ऐन, रिम्मोन, ऐतेर, अऊर आशान, हि चार नगर गांव समेत; 8 ✝19:8 १ इतिहास ४:२८-३३अऊर बालत्बेर जो दक्षिन देश को रामा नगर भी कहलावय हय, वहां तक इन नगरों को चारयी तरफ को सब गांव भी उन्ख मिल्यो। शिमोनियों को कुल को हिस्सा उन्को कुलों को अनुसार यहांच ठहरयो। 9 शिमोनियों को हिस्सा त यहूदा को हिस्सा म सी दियो गयो; कहालीकि यहूदा कुल को हिस्सा उन्को लायी बहुत होतो, यो वजह शिमोनियों को हिस्सा यहूदा को हिस्सा को बीच म मिल्यो।

जबूलून को वंश ख दियो गयो हिस्सा

10 तीसरी चिट्ठी जबूलून को कुलों को अनुसार उन्को परिवारों को नाम पर निकली। अऊर उन्को हिस्सा की सीमा सारीद तक पहुंची; 11 अऊर उन्की सीमा पश्चिम म मरला सी होतो हुयो दब्बेशेत ख पहुंची, अऊर योकनाम को सामने को नाला तक पहुंच गयी; 12 फिर सारीद सी सीमा पूर्व को तरफ मुड़ क किसलोत्ताबोर की सीमा तक पहुंची, अऊर वहां सी बढ़त बढ़त दाबरत अऊर यापी तक चली गयी होती; 13 वहां सी सीमा पूर्व को तरफ आगु बढ़ क गथेपेर अऊर इत्कासीन ख गयी, अऊर वा रिम्मोन को तरफ बढ़ गयी जो नेआ दिशा तक फैल्यो हुयो हय; 14 वहां सी वा सीमा ओको उत्तर को तरफ सी मुड़ क हन्नातोन पर पहुंची; अऊर यिप्तहेल की घाटी म जाय क खतम भयी; 15 कत्तात, नहलाल, शिम्रोन, यिदला, अऊर बैतलहम; हि गांवो सहित नगरों की संख्या बारा होती। 16 जबूलून वंश को लोगों ख उन्को परिवारों को अनुसार अधिकार मिल्यो; अऊर ओको म अपनो अपनो गांवो समेत योच नगर आय।

इस्साकार को वंश ख दियो गयो हिस्सा

17 चौथी चिट्ठी इस्साकारियों को कुलों को अनुसार उन्को परिवारों को नाम पर निकली। 18 अऊर उन्की सीमा यिज्रेल, कसुल्लोत, शूनेम, 19 हपारैम, शीओन, अनाहरत, 20 रब्बीत, किश्योन, एबेस, 21 रेमेत, एनगन्नीम, एनहद्दा, अऊर बेत्पस्सेस तक पहुंची। 22 फिर वा सीमा ताबोर, शहसूमा अऊर बेतशेमेश तक पहुंची, अऊर उन्की सीमा यरदन नदी पर खतम भयी; यो तरह गांवो समेत सोला नगर होतो। 23 कुलों को अनुसार इस्साकारियों वंश को हिस्सा नगरों अऊर गांवो समेत दियो गयो।

आशेर को वंश ख दियो गयो हिस्सा

24 पाचवी चिट्ठी आशेर को वंश को परिवारों को नाम पर निकली। 25 उन्की सीमा म हेल्कत, हली, बेतेन, अक्षाप, 26 अल्लाम्मेलेक, अमाद, अऊर मिशाल होतो; अऊर ऊ पश्चिम को तरफ कर्मेल तक अऊर शीहोर्लिब्नात तक पहुंची; 27 फिर वा सीमा पूर्व दिशा को तरफ मुड़ क बेतदागोन ख गयी, अऊर जबूलून को हिस्सा तक, अऊर यिप्तहेल की घाटी सी उत्तर दिशा को तरफ सी होय क बेतेमेक अऊर नीएल तक पहुंची; अऊर उत्तर को तरफ जाय क काबूल पर निकली, 28 अऊर वा एब्रोन, रहोब, हम्मोन, अऊर काना सी होय क बड़ो सीदोन ख गयी; 29 वहां सी वा सीमा मुड़ क रामा सी होतो हुयो सोर नाम को गढ़ वालो नगर तक चली गयी; फिर सीमा होसा को तरफ मुड़ क अऊर अकजीब को जवर को देश सी होय क समुन्दर पर खतम भयी, 30 उम्मा, अपेक, अऊर रहोब भी होतो; यो तरह बावीस नगर अपनो गांवो समेत ओख मिल्यो। 31 कुलों को अनुसार आशेरियों को वंश को हिस्सा नगरों अऊर गांवो समेत यहांच मिल्यो।

नप्ताली को वंश ख दियो गयो हिस्सा

32 छठवी चिट्ठी नप्ताली वंशों को अनुसार उन्को परिवारों को नाम पर निकली। 33 अऊर उन्की सीमा हेलेप सी, अऊर सानन्नीम को बांझ झाड़ सी, अदामीनेकेब अऊर यब्नेल सी होय क, अऊर लक्कूम ख जाय क यरदन पर खतम भयी; 34 वहां सी वा सीमा पश्चिम को तरफ मुड़ क अजनोत्ताबोर ख गयी, अऊर वहां सी हुक्कोक ख गयी, अऊर दक्षिन, अऊर जबूलून को हिस्सा तक, अऊर पश्चिम को तरफ आशेर को हिस्सा तक, अऊर पूर्व को तरफ यहूदा को हिस्सा को जवर की यरदन नदी पर निकली। 35 अऊर उन्को गढ़ वालो नगर यो आय, मतलब सिद्दीम, शेर, हम्मत, रक्कत, किन्नेरेत, 36 अदामा, रामा, हासोर, 37 केदेश, एद्रेई, एन्हासोर, 38 यिरोन, मिगदलेल, होरेम, बेतनात, अऊर बेतशेमेश; हि उन्नीस नगर गांवो समेत ओख मिल्यो। 39 कुलों को अनुसार नप्तालियों को वंश को हिस्सा नगरों अऊर गांवो समेत यहांच मिल्यो।

दान को वंश ख दियो गयो हिस्सा

40 सातवी चिट्ठी कुलों को अनुसार दान को वंश को नाम पर निकली। 41 अऊर उन्को हिस्सा को सीमा म सोरा, एशताओल, ईरशेमेश, 42 शालब्बीन, अय्यालोन, यितला, 43 एलोन, तिम्ना, एक्रोन, 44 एलतके, गिब्बतोन, बालात 45 यहूद, बनेबराक, गत्रिम्मोन, 46 मेयर्कोन, अऊर रक्कोन, अऊर याफा को सामने की सीमा भी उन्की होती। 47 ✝19:47 न्यायियों १८:२७-२९अऊर दानियों को हिस्सा येको सी जादा भय गयो, मतलब दान को लोगों न लेशेम पर चढ़ायी करी, अऊर उन्ख तलवार सी मार डाल्यो, अऊर ओख अपनो अधिकार म कर क् ओको म बस गयो, अऊर अपनो मुख्य आदमी को नाम पर लेशेम को नाम दान रख्यो। 48 कुलों को अनुसार दानियों को वंश को हिस्सा नगरों अऊर गांवो समेत यहांच मिल्यो।

यहोशू ख भी जमीन हिस्सा मिलनो

49 जब देश को बाट्यो जानो सीमावों को अनुसार पूरो भय गयो, तब इस्राएलियों न नून को टुरा यहोशू ख भी अपनो बीच म एक हिस्सा दियो। 50 परमेश्वर को कहन को अनुसार उन्न ओख ओको मांग्यो हुयो नगर दियो, यो एप्रैम को पहाड़ी देश म को तिम्नत्सेरह हय; अऊर ऊ ऊ नगर ख फिर सी बसाय क ओको म रहन लग्यो।

51 जो जो हिस्सा एलीआजार याजक, अऊर नून को टुरा यहोशू, अऊर इस्राएलियों को वंश को घराना को पूर्वजों को मुख्य मुख्य आदमियों न शीलो म, मिलापवालो तम्बू को फाटक पर, परमेश्वर को सामने चिट्ठी डाल क बाट दियो हि योच आय। यो तरह उन्न देश बाटन को काम पूरो करयो।