यहोशू 12

मूसा द्वारा राजावों पर विजय

1 ✝ 12:1 गिनती २१:२१-३५; व्यवस्थाविवरन २:२६; ३:११ यरदन नदी को ओन पार पूर्व दिशा को तरफ, मतलब अर्नोन घाटी सी ले क हेर्मोन पहाड़ी तक को देश, अऊर पूरो पूर्व अराबा को जिन राजावों ख इस्राएलियों न मार क उन्को देश ख अपनो अधिकार म कर लियो होतो हि यो आय : 2 एमोरियों को हेशबोन नगर को राजा सीहोन, जो अर्नोन घाटी को किनार को अरोएर नगर सी ले क, अऊर उच घाटी को बीच को नगर ख छोड़ क यब्बोक नदी तक, जो अम्मोनियों कि सीमा हय, अरधो गिलाद को बराबर होतो, 3 अऊर किन्नेरेत नाम को तलाव सी ले क बेत्यशीमोत सी होय क अराबा को तलाव तक; जो खारो तलाव भी कहलावय हय, पूर्व को तरफ को अराबा, अऊर दक्षिन को तरफ पिसगा को ढलान को खल्लो को देश पर शासन करत होतो।

4 फिर बच्यो हुयो रपाई जाती म सी बाशान देश को राजा ओग को देश होतो, जो अश्तारोत अऊर एद्रेई नगर म रह्यो करत होतो, 5 ✝12:5 गिनती २१:२१-३५; व्यवस्थाविवरन २:२६; ३:११अऊर हेर्मोन पहाड़ी, सल्का, अऊर गशूरियों, अऊर माकियों की सीमा तक कुल बाशान देश म, अऊर हेशबोन को राजा सीहोन की सीमा तक अरधो गिलाद देश म भी शासन करत होतो।

6 ✝ 12:6 गिनती ३२:३३; व्यवस्थाविवरन ३:१२ इस्राएलियों अऊर परमेश्वर को दास मूसा न इन ख मार डाल्यो; अऊर परमेश्वर को सेवक मूसा न इन्को देश रूबेनियों अऊर गादियों अऊर मनश्शे को अरधो गोत्र को लोगों ख दे दियो।

यहोशू द्वारा राजावों पर विजय

7 यरदन नदी को पश्चिम को तरफ, लबानोन को मैदान म को बालगाद नगर सी ले क सेईर की चढ़ायी को हालाक पहाड़ी तक को देश को जिन राजावों ख यहोशू अऊर इस्राएलियों न मार क उन्को देश इस्राएलियों ख गोत्रों अऊर कुलों को अनुसार भाग कर क् दे दियो होतो हि यो आय : 8 हित्ती, एमोरी, कनानी, परिज्जी, हिब्बी, यबूसी जाती, जो पहाड़ी देश म, खल्लो को देश म, अराबा म, ढलान देश म, जंगल म, अऊर दक्षिन देश म रहत होती। 9 एक, यरीहो को राजा; एक, बेतेल को जवर ऐ नगर को राजा; 10 एक, यरूशलेम को राजा; एक, हेब्रोन को राजा; 11 एक, यर्मूत को राजा; एक, लाकीश को राजा; 12 एक, एग्लोन को राजा; एक, मेजेर को राजा; 13 एक, दबीर को राजा; एक, गेदेर को राजा; 14 एक, होर्मा को राजा; एक, अराद को राजा; 15 एक, लिब्ना को राजा; एक, अदुल्लाम को राजा; 16 एक, मक्केदा को राजा; एक, बेतेल को राजा; 17 एक, तप्पूह को राजा; एक, हेपेर को राजा; 18 एक, अपेक को राजा; एक, लश्शारोन को राजा; 19 एक, मादोन को राजा; एक, हासोर को राजा; 20 एक, शिम्रोन्मरोन को राजा; एक, अक्षाप को राजा; 21 एक, तानाक को राजा; एक, मगिद्दो को राजा; 22 एक, केदेश को राजा; एक, कर्मेल म को योकनाम को राजा; 23 एक, दोर नाम को ऊंचो देश म को दोर को राजा; एक, गिलगाल म को गोयीम को राजा; 24 अऊर एक, तिर्सा को राजा हय; यो तरह सब राजा येकतीस भयो।