मत्ती 20

एक माय की बिनती

20 तब जब्दी को बेटा की माय न, अपनो बेटा को संग यीशु को जवर आय क नमस्कार करयो, अऊर ओको सी कुछ मांगन लगी।

21 यीशु न ओको सी कह्यो, "तय का चाहवय हय?"

वा ओको सी बोली, "यो वचन दे कि मोरो यो दोयी बेटा तोरो राज्य म एक तोरो दायो अऊर एक तोरो बायो तरफ बैठे।"

22 यीशु न उत्तर दियो, "तुम नहीं जानय कि का मांगय हय। जो कटोरा मय पीवन पर हय, का तुम पी सकय हय?"

उन्न ओको सी कह्यो, "पी सकय हंय।"

23 यीशु न ओको सी कह्यो, "तुम मोरो कटोरा त पीवो, पर अपनो दायो अऊर बायो कोयी ख बैठानो मोरो काम नहाय, पर जेको लायी मोरो बाप को तरफ सी तैयार करयो गयो, उन्कोच लायी हय।"