Agarə gâ ndə Sara sə mata əpʉ mbʉkʉ bishi
21 E pä kə əmə, e-e ə̂në e yində kə mbrə ərə ə lï də âgbɔ̂ əpʉ nə̂ Mayïzə nə kɔ, e dji əpʉ ə̂në âgbɔ̂ əpʉ nə pa kɔ dji ne a? 22 Mbrə ə̂në əndje tâ gâ lə nə ə pâ: «Abraamo sə̂ də aneshe koshe bishi, ə̈bə̈ nə sə̂ tə ətshə ənə̂ Agarə, yashe kanga â bale nə sə tə ətshə ənə̂ Sara, ə̂në tshə sə̂ sə̂ tə yashe kanga ne kɔ.» 23 Bale, əndje zû ətshə ənə̂ yashe kanga nə tə̂ äwä ərə ə̂në tshelə əzü kə yîndə nə kɔ â əndje zû ətshə nə ə̂në əyï nə sə̂ sə̂ tə kanga ne kɔ tə̂ äwä əpʉ ə̂në Ndjapä zâ ama də nə gâ ye kɔ.4.23 E sə kə dɨ əpʉ səkɔ lə Vɔtə̂ 16; 17; 21. 24 Tshelə əpʉ sə̂ kôto kɔ li ə li; mbrə ə̂në ayashe sə̂ bishi kɔ sə mata əpʉ mbʉkʉ bishi. Bale, angbʉlî mbʉkʉ nə kə də̂ ənə̂ sə̂ ə̂në Ndjapä mbrə̂ də azü əgɔ Isərayalə mâ pâ kaga Sinayi kɔ. Ə tə nə kə də̂ Agarə nə kɔ, tshə zû akanga. 25 Kandää, Agarə nə kə də̂ kaga Sinayi lə ashɔ əgɔ Arabi, â tshə sə̂ mata gala Jeruzalamə tshe kpəsəye, mbrə ə̂në ə sə lə ərə kanga də azü tshelə nə. 26 Bale, gala Jeruzalamə tshe lafɔ sə ndə tshelə ye, â ə tə nə kə sə tə əyï əzə̂ nə kɔ.