12 Kʉ pə tə̂ alɔ nə səkɔ, Pilatə nə vɔ̂tə̂ kə pra äwä ndə kə katə̂ Jezu nə. Bale Ajuwufu nə tâ râwâ kwatəndje ə pa: «Kədə bə katə̂ ye, bə sə sə tə gbɔbəngâ âgbɔ̂ əyïngerə əgɔ Rɔmə ne. Əzü nɔ̂ ə̂në tshə dô tə̂ ye tə əyïngerə gâ ye kɔ, tshə dô tə̂ ye də əpʉ gâ tə̂ âgbɔ̂ əyïngerə əgɔ Rɔmə nə.» 13 Alɔ ə̂në Pilatə nə djî aəpʉ səkɔ, tshə zâ ama â əndje wûtu də Jezu nə gashu, â Pilatə nə sə̂ gâ tʉ gâ pâ mbata kə wa ngbanga nə̂ ye tə̂ ətshe ə̂në əndje ê ə pa «Pave»19.13 Pave: Pave nə sə tə ə̈bə̈ ətshe ə̂në əndje kô aəkpʉ gâ tə̂ nə ndə kə pa azü na pâ nə kɔ. kɔ, ə̂në əndje ê də ama ebrʉ ə pa «Gabata» kɔ.
14 Tə̂ əlo kə gamba aərə mbrə sandaga Pakə kə sə̂, gu ndə əkpî alɔ. Tshə pâ kə Ajuwufu ə pa: «Əyïngerə nə̂ e nə kə səye!» 15 Bale, əndje tâ râwâ ə pa: «Wö ətshə! Wö ətshə! Kü ətshə gâ ala masheyɔ!» Pilatə nə pâ kə əndje ə pa: «Mə wo əyïngerə nə̂ e nə gâ ala masheyɔ nə a?» Aâgbɔ̂ azü nə̂ aawotokrɔ kîrə əpʉ ə pa: «Ä sə sə də ə̈bə̈ əyïngerə kpî tə̂ âgbɔ̂ əyïngerə əgɔ Rɔmə ne.» 16 Bale, tshə zâ Jezu nə kə əndje ndə kə pa əndje wo ətshə gâ ala masheyɔ nə.
Əndje kû Jezu gâ ala masheyɔ
(Matiɔ 27.32-44; Markə 15.21-32; Luki 23.26-43)
Rəkɔ, əndje zâ Jezu nə [ə rô də ətshə].19.16 Əpʉ səke sə sə lə aga aangbrɔ afraka Ndjapä də ama grakə ne.