യെശയ്യാവു 11:6-9

Em outras traduções

1. IRVMAL Indian Revised Version (IRV) - Malayalam

   6 ചെന്നായ് കുഞ്ഞാടിനോടുകൂടെ പാർക്കും;

   പുള്ളിപ്പുലി കോലാട്ടുകുട്ടിയോടുകൂടെ കിടക്കും;

   പശുക്കിടാവും ബാലസിംഹവും തടിപ്പിച്ച മൃഗവും ഒരുമിച്ചു വസിക്കും;

   ഒരു ചെറിയ കുട്ടി അവയെ നടത്തും.

   7 പശു കരടിയോടുകൂടെ മേയും;

   അവയുടെ കുട്ടികൾ ഒരുമിച്ചുകിടക്കും;

   സിംഹം കാള എന്നപോലെ വൈക്കോൽ തിന്നും.

   8 മുലകുടിക്കുന്ന ശിശു സർപ്പത്തിന്‍റെ മാളത്തിനു മുകളിൽ കളിക്കും;

   മുലകുടി മാറിയ പൈതൽ അണലിയുടെ പൊത്തിൽ കൈ ഇടും.

   9 സമുദ്രം വെള്ളംകൊണ്ട് നിറഞ്ഞിരിക്കുന്നതുപോലെ

   ഭൂമി യഹോവയുടെ പരിജ്ഞാനംകൊണ്ടു പൂർണ്ണമായിരിക്കുകയാൽ

   എന്‍റെ വിശുദ്ധപർവ്വതത്തിൽ എങ്ങും

   ഒരു ദോഷമോ നാശമോ ആരും ചെയ്യുകയില്ല.

2. OMCV Versão Contemporânea Aberta em Malaiala

   6 അന്നു ചെന്നായ് കുഞ്ഞാടിനോടുകൂടെ പാർക്കും,

   പുള്ളിപ്പുലി കോലാട്ടിൻകുട്ടിയോടുകൂടെ കിടക്കും,

   പശുക്കിടാവും സിംഹക്കുട്ടിയും യാഗമൃഗവും*11:6 അഥവാ, കൊഴുത്ത ഊനമില്ലാത്ത ഒരുവയസ്സുള്ള മൃഗവും ഒരുമിച്ചുകഴിയും;

   ഒരു ചെറിയ കുട്ടി അവയെ നയിക്കും.

   7 പശുവും കരടിയും ഒരുമിച്ചു മേയും,

   അവയുടെ കുട്ടികൾ ഒരുമിച്ചു കിടക്കും,

   സിംഹം കാളയെപ്പോലെ വൈക്കോൽ തിന്നും.

   8 മുലകുടിക്കുന്ന ശിശു സർപ്പത്തിന്റെ മാളത്തിൽ കളിക്കും,

   മുലകുടിമാറിയ പൈതൽ അണലിയുടെ പൊത്തിൽ കൈയിടും.

   9 എന്റെ വിശുദ്ധപർവതത്തിൽ ഒരിടത്തും

   ഉപദ്രവമോ നാശമോ ആരും ചെയ്യുകയില്ല,

   സമുദ്രം വെള്ളത്താൽ നിറഞ്ഞിരിക്കുന്നതുപോലെ

   ഭൂമി യഹോവയുടെ പരിജ്ഞാനംകൊണ്ടു നിറഞ്ഞിരിക്കും.