യെശയ്യാവു 45:1-3

Em outras traduções

1. IRVMAL Indian Revised Version (IRV) - Malayalam

   1 യഹോവ തന്‍റെ അഭിഷിക്തനായ കോരെശിനോട് ഇപ്രകാരം അരുളിച്ചെയ്യുന്നു:

   അവനു ജനതകളെ കീഴടക്കി

   രാജാക്കന്മാരുടെ അരക്കച്ചകളെ അഴിക്കേണ്ടതിനും

   കതകുകൾ അവനു തുറന്നിരിക്കേണ്ടതിനും

   വാതിലുകൾ അടയാതിരിക്കേണ്ടതിനും

   ഞാൻ അവന്‍റെ വലംകൈ പിടിച്ചിരിക്കുന്നു:

   2 "ഞാൻ നിനക്കു മുമ്പായി ചെന്നു

   ദുർഘടങ്ങളെ നിരപ്പാക്കുകയും

   താമ്രവാതിലുകളെ തകർക്കുകയും

   ഇരിമ്പോടാമ്പലുകളെ ഖണ്ഡിച്ചുകളയുകയും ചെയ്യും.

   3 നിന്നെ പേര്‍ ചൊല്ലിവിളിക്കുന്ന ഞാൻ യഹോവ,

   യിസ്രായേലിന്‍റെ ദൈവം തന്നെ എന്നു നീ അറിയേണ്ടതിന്

   ഞാൻ നിനക്കു ഇരുട്ടിലെ നിക്ഷേപങ്ങളെയും

   മറവിടങ്ങളിലെ ഗുപ്തനിധികളെയും തരും.

2. OMCV Versão Contemporânea Aberta em Malaiala

   1 "യഹോവ തന്റെ അഭിഷിക്തനായ കോരെശിനോട് ഇപ്രകാരം അരുളിച്ചെയ്യുന്നു:

   ജനതകളെ അദ്ദേഹത്തിന്റെ മുന്നിൽ കീഴടക്കാനും

   രാജാക്കന്മാരുടെ അരക്കച്ചകളഴിക്കാനും

   കവാടങ്ങൾ അടയ്ക്കപ്പെടാതിരിക്കേണ്ടതിന്

   അദ്ദേഹത്തിന്റെമുമ്പിൽ വാതിലുകൾ തുറക്കാനുമായി

   യഹോവയായ ഞാൻ അദ്ദേഹത്തിന്റെ വലങ്കൈ പിടിച്ചിരിക്കുന്നു.

   2 ഞാൻ നിനക്കു മുമ്പേ പോകുകയും

   പർവതങ്ങൾ നിരപ്പാക്കുകയും ചെയ്യും;

   ഞാൻ വെങ്കലംകൊണ്ടുള്ള കവാടങ്ങൾ തകർക്കുകയും

   ഇരുമ്പോടാമ്പലുകൾ മുറിച്ചുകളയുകയും ചെയ്യും.

   3 ഞാൻ നിനക്കും നിഗൂഢ നിക്ഷേപങ്ങൾ തരും,

   രഹസ്യസ്ഥലങ്ങളിൽ ശേഖരിച്ചിരിക്കുന്ന സമ്പത്തും,

   ഞാൻ ആകുന്നു നിന്നെ പേർചൊല്ലിവിളിക്കുന്ന

   ഇസ്രായേലിന്റെ ദൈവമായ യഹോവ എന്നു നീ അറിയേണ്ടതിനുതന്നെ.