യെശയ്യാവു 61:1-3

Em outras traduções

1. IRVMAL Indian Revised Version (IRV) - Malayalam

   1 എളിയവരോടു സദ്വർത്തമാനം ഘോഷിക്കുവാൻ യഹോവ എന്നെ അഭിഷേകം ചെയ്തിരിക്കുകകൊണ്ടു

   യഹോവയായ കർത്താവിന്‍റെ ആത്മാവ് എന്‍റെ മേൽ ഇരിക്കുന്നു;

   ഹൃദയം തകർന്നവരെ മുറിവുകെട്ടുവാനും

   തടവുകാർക്കു വിടുതലും

   ബദ്ധന്മാർക്കു സ്വാതന്ത്ര്യവും അറിയിക്കുവാനും

   2 യഹോവയുടെ പ്രസാദവർഷവും

   നമ്മുടെ ദൈവത്തിന്‍റെ പ്രതികാരദിവസവും പ്രസിദ്ധമാക്കുവാനും

   ദുഃഖിതന്മാരെയെല്ലാം ആശ്വസിപ്പിക്കുവാനും

   3 സീയോനിലെ ദുഃഖിതന്മാർക്കു ചാരത്തിനു പകരം അലങ്കാരമാലയും

   ദുഃഖത്തിനു പകരം ആനന്ദതൈലവും

   വിഷാദമനസ്സിനു പകരം സ്തുതി എന്ന മേലാടയും കൊടുക്കുവാനും

   അവൻ എന്നെ അയച്ചിരിക്കുന്നു;

   അവൻ മഹത്ത്വീകരിക്കപ്പെടേണ്ടതിന് അവർക്ക് നീതിവൃക്ഷങ്ങൾ എന്നും

   യഹോവയുടെ നടുതല എന്നും പേരാകും.

2. OMCV Versão Contemporânea Aberta em Malaiala

   1 ദരിദ്രരോടു സുവിശേഷം അറിയിക്കാൻ

   യഹോവയായ കർത്താവ് എന്നെ അഭിഷേകം ചെയ്തിരിക്കുകയാൽ

   അവിടത്തെ ആത്മാവ് എന്റെമേലുണ്ട്.

   ഹൃദയം തകർന്നവരുടെ മുറിവു കെട്ടുന്നതിനും

   തടവുകാർക്കു സ്വാതന്ത്ര്യം പ്രഖ്യാപിക്കുന്നതിനും

   ബന്ധിതരെ മോചിപ്പിക്കുന്നതിനും അവിടന്ന് എന്നെ അയച്ചിരിക്കുന്നു.

   2 യഹോവയുടെ പ്രസാദവർഷവും

   നമ്മുടെ ദൈവത്തിന്റെ പ്രതികാരദിവസവും പ്രസംഗിക്കാനും

   വിലപിക്കുന്നവരെയെല്ലാം ആശ്വസിപ്പിക്കാനും

   3 സീയോനിലെ ദുഃഖിതർക്കു—

   വെണ്ണീറിനു പകരം

   തലപ്പാവ് അലങ്കാരമായും

   വിലാപത്തിനു പകരം

   ആനന്ദതൈലവും

   വിഷാദഹൃദയത്തിനു പകരം

   സ്തുതിയെന്ന മേലങ്കിയും നൽകുവാനും,

   അവിടന്ന് എന്നെ അയച്ചിരിക്കുന്നു.

   അവിടത്തെ മഹത്ത്വം വെളിപ്പെടുത്തേണ്ടതിന്

   യഹോവ നട്ടുവളർത്തിയ

   നീതിയുടെ ഓക്കുമരങ്ങളാണ് അവർ എന്നു വിളിക്കപ്പെടും.