3 Sǝama amǝno yì apagir mala agir’nkila ka, à kǝ kasǝ ɓālǝia arǝ acauɓikea malea koya pǝlǝa. 4 Acemǝnana nkila mala ajamnda andǝ ambul-pǝndǝa ka, à pà nǝ̀ gandǝ twalban cauɓikea ɗang.
5 Nda gìr mǝnana tsǝa sǝ Kǝrǝsti, lang yina a ɓanza ka, banggi Ɓakuli ama:
<<Agir-nkila andǝ aɓoro ka,
a éarceà ɗàng,
sǝama a panam nggūrǝu.
6 Pàgir nǝ agirkusǝu
mǝnana à nǝ̀ pisǝì kǝring,
andǝ pāki agir’nkila ace
twalban cauɓikea ka,
bumo kǝ pwasǝ a rǝia ɗàng.
7 Pǝlǝa ǝn na nǝma,
<Mǝ ndya ka,
ǝn yiu ace pak gìr
mǝnana ɓabumo kànì ka,
we Ɓakuli,
kǝla mana à gilǝa a muram
aɓa Malǝmce ka.> >>10:7 Ɓalli gbal aɓa: Ang 40:6-8.
8 Kǝrǝsti na a dǝmba ama, <<Agir’nkila andǝ aɓoro, andǝ apagir nǝ agirkusǝu mǝnana à nǝ̀ pisǝì kǝring, andǝ apagir ace twalban cauɓikea ka, a earcea ɗang sǝ bumo kǝ pwasǝ arǝia ɗang.>> (Kat andǝ mani ka, amǝnia ka Nggurcau nǝ̀ tsǝa ama ɓǝà kǝ pea.) 9 Pǝlǝa lidǝmba na ama, <<Mǝ ndya ka, ǝn yiu ace pak kànì mo.>> Anggo ka Kǝrǝsti yi tamsǝ kùrcau mǝdǝmbe ace mǝnana nǝ̀ tsǝk ɓaria aɓa túró ka. 10 Sǝ aɓa pě mala mǝno yì kànì mala Ɓakuli ka, sǝm dumǝna amale nǝ pá mǝnana Yesu Kǝrǝsti pà ɓoro nǝ nggūrǝì kusǝ mwashat ɓǝ̀rɓǝ̀r ace koyan ngga.