1 Mǝno yì kùrcau mǝdǝmbe, mǝnana nda anre Ɓakuli andǝ amǝ Isǝrayila ka, ndanǝ angguracau male mala peri, andǝ ban mǝfele male gbal kani a ɓanza. 2 À loasǝ Taragula nǝ aɓālǝi ɓari. A ɓālǝi mǝdǝmbe ka, gìr-tàmsǝ apitǝla na kam andǝ kpamgbang-tsǝk-agir, sǝ agbatali bǝredi mǝnana à tària ace Ɓakuli ka.*9:2 ko agbatali bǝredi mǝnana à tària ace Ɓakuli ka. Mǝnia yì ɓālǝi ka, nda mǝnana à tunǝki ama Ban Mǝfele ka. 3 Anzǝm lagir mǝnana gau ban ngga, ɓaria ɓālǝi nda kam mǝnana à tunǝki ama Ban Nggea Mǝfele. 4 Aɓa mǝnia yì ɓālǝi ka, gyangŋan zǝnariya mala pisǝ muku-gìr ace loasǝ yele mǝ’rǝmɓoarne na kam, sǝ akwati mǝnana à tunǝi ama Akwati mala Kùrcau Mǝ’e ka. Yì akwati ka à tasǝ ɓālǝi andǝ nzǝmi kat nǝ zǝnariya mǝɓoarne. Aɓa mǝnia yì akwati ka, manna*9:4manna: girlina mǝnana Ɓakuli pea amǝ Isǝrayila aɓa gya malea a ɓabondo ka. nda kam aɓa muna bàng-zǝnariya, sǝ gara mala Haruna mǝnana tò mbui ka.*9:4 Ɓalli gbal aɓa: Pur 16:33; 25:10,16; Ɓal 17:10; Nggur 10:2. Aɓa yì akwati ɗǝm ngga akpamgbǝlang tali nda kam ɓari mǝnana Ɓakuli gilǝ Anzongcau Lum male amúrià ka. 5 Amur Akwati ka, à tsǝk aɓǝ̀nzál mala acerup,*9:5 acerup: Cerup ka lullǝ aɓea agir-yilǝmu na, nǝ kun Ibǝru. À bang cau malea kusǝ pas aɓalǝ amalǝmce mala Kùrcau Mǝ’e. À nda à lǝmdǝ ama ban ngga, Ɓakuli nda kam andǝ ɓoarɓwa andǝ fele male. (Ɓalli gbal aɓa Pur 25:18-20). mǝnana à nda à lǝmdǝ ɓoarɓwa mala Ɓakuli ka. Acerup mǝn abuia amur Akwati, à kùmsǝ múr buno sǝntǝ̀r.*9:5 buno sǝntǝ̀r: Mǝnia ka, nda girkun Akwati mala Kùrcau Mǝ’e mǝnana came a kun Buno-murǝm mala Ɓakuli a ɓanza ka, sǝ nda ban mǝnana pǝris kǝ watsǝki nkila kam ace twalban cauɓikea ka. Sǝa ma amǝnia yì agir ka pà sǝm nǝ̀ gandǝ bǝlki ɓālǝia mwashat-mwashat ado ɗàng.