ኬሲ ማፃኣፔ 31:1-6

ባስሊዔኤሌና ዔኤሊያቤና

1 ናንጊና ናንጋ ጎዳ ሙሴም፦ 2 «ሃይሾ ታኣኒ ዪሁዳ ማኣራፓ ሁኡሬ ጎዖሢኮ ናኣዚ ናዖ ማዔሢ፥ ዑኡሬ ናኣዚ፥ ባስሊዔኤሌ ዶኦሬኔ፤ 3 ዓይጎ ባኣዚያ ማዖም ኩቺ ማዾ ሃኣማቶ ዔራንዳጉዲ ጶቂሥሢና ጪንጩሞና፤ ሃሣ ዔራ ማዓንዳጉዲ ታኣኮ ዓያኖንታ ዎልቄያ ታ ዒዛም ዒንጌኔ፤ 4 ዬያሮ ጪንጩሞና ማዾንዶ ጎይሢ ማሊ ኬሲ ዎርቄይዳፓ፥ ቢራና ሞኦኖ ዓንጎናይዳፓ ዱማ ዱማ ባኣዚ ዒ ኮሻንዳኔ። 5 ዬያጉዲ ፓልሞም ማዓ ሚዛጶ ሹጮ ቆኦቂ ኮሻኒ፥ ሚሢያ ዓርሳኒ፥ ሜሌ ማዾ ቢያ ዔራቶና ማዻኒ ዒ ዳንዳዓኔ። 6 ዒዛና ዎላ ሃሣ ማዻንዳጉዲ ዳኣኔ ማኣሮይዳፓ ዓይሳማኬ ናኣዚ ዔኤሊያቤ ታ ዶኦሬኔ፤ ታ ኔና ዓይሤ ባኮ ቢያ ዔያታ ማዻንዳጉዲ ኩቺ ሃኣማቶ ዓኣ ሜሌ ዓሶማኣ ቢያ ዼኤፒ ዔራቶ ታኣኒ ዒንጌኔ።