1 ዴራ ሂዚ ጋዓንዳኔ፦
«ኑኡኒ ኬኤዛ ባኮ ዖኦኒ ጎኔኬ ጌዔይ?
ናንጊና ናንጋ ጎዳኮ ዎልቃ ዖኦም ፔጋዺ ጴዼይ? 53፡1 ዮሃ. 12፡38፤ ሮሜ 10፡16።
2 ፆኦሲ ዓይላሢ ፃኣዺ ሳዓይዳ ባቃሌ
ባቃሊጉዲ ፃጲ ዳኪ ዑጌኔ፤
ኑ ዛጋንዳጉዲ ሚዛጱሞንታ
ቦንቾዋ ዒዛኮ ባኣሴ፤
ዒዛ ኑ ናሽካንዳጉዲ
ዒዛኮ ሱጉሢ ሚዛጱዋሴ።
3 ዒዚ ዓሲና ቦሂንቴያና ዒፂንቴያኬ፤
ዒዚ ሜታዻያና ዖዖያ ዓሲኬ፤
ዓሳ ዒዛ ዛጋኒ ዓኣፖ ሺርሻንዳያ ሄላንዳኣና
ዒዚ ቦሂንቴያኬ፥ ኑኡኒያ ዒዛ ቦንቺባኣሴ።»
4 «ጎኔና ዒዚ ኑኡኮ ዶርዓሢ ዔኬኔ፥ ሃርጎዋ ዒዚ ኑኡኮ ኬዴኔ፤
ኑኡኒ ጋዓንቴ ፆኦሲ ዒዛ ጳርቄም
ሎኦሜያና ኪፃዼያ ማሂ ዛጌኔ። 53፡4 ማቲ. 8፡17።
5 ዒዚ ጋዓንቴ ጫርጊንቲ ኪፃዼሢ ኑኡኒ ፑርቴሢሮኬ፤
ዒዚ ጋኣጪንቴሢያ ኑ ዻቢንቶሮኬ፤
ኑኡኒ ዻቄሢ ዒዚ ዔኬ ሜታሢናኬ፤
ዒዛ ኪፃዺፆና ኑ ፓፄኔ። 53፡5 1ጴፂ. 2፡24።