3 ዴራ፦ «ሃይሾ፥ ኑኡኒ ሙዖ ሃሾ ዳምቦ ኩንሣኔ፤ ኔኤኒ ጋዓንቴ ኑና ዛጉዋሴ፤ ኔኤኒ ኑና ዛጉዋያታንቴ ዑፆ ኑኡኮ ኑ ዓይጋ ሃያይዲ ላቢሴይ?» ጋዓኔ።
ናንጊና ናንጋ ጎዳ ማሃዖ፦ «ዒንሢ ሙዖ ሃሾ ዳምቦ ኩንሣ ኬሎና ዒንሢ ዒና ናሽኬ ባኮ ማዻኔ፤ ዒንሢኮ ማዾ ማዻ ዓሶ ቢያ ዒንሢ ሜታሳኔ፤ 4 ዒንሢኮ ሙዖ ሃሾ ዳምቦኮ ጋፓ ዑራና ጎሪንቲና ማዔሢሮ ሚጪንቱዋዖ ኩቺ ሙሊ ዎሊ ዒንሢ ዱላኔ፤ ዬያ ማዺጋፓ ዒንሢ ሙዖ ሃሺ ሺኢቃ ሺኢጲፃ ሎ ጫሪንጮይዳ ዋይዚንቱዋሴ። 5 ዒንሢ ሙዖ ሃሾ ዳምቦ ኩንሣ ዎዶና ዑፆ ዒንሢኮ ዒንሢ ላቢሳኔ፤ ዒንሢና ዒንሢ ማጫሬጉዲ ሊካ ሱኡዱንቂሳኔ፤ ቶኦካ ቢዲንሢ ዋሂ ሲዬ ፓቲሌያ ዒንሢ ማኣዓኔ፤ ሙኡዚ ሃሺሢ ዳምቤኬ ዒንሢ ጋዓሢ ዬያዳ? ታኣኒ ዬያጉዴ ሙዖ ሃሾ ዳምቦና ዎዛዻያ ዒንሢም ማላ?
6 «ታኣኒ ዎዛዻ ሙዖ ሃሺፆ ዳምባ ሄርቂ ዎይሦ ካኖ ቢራቶ ዒንሢ ዱኡዛንዳጉዲ፥ ዋኣፆ ሱዞ ዒንሢ ቡላንዳጉዲ፥ ሄርቂንቲ ዎርቃ ዓሶ ዒንሢ ቱኡዛፓ ኬሳንዳጉዲ፥ ቃንባሮዋ ቢያ ዒንሢ ሜንሣንዳጉዲቱዋዓዳ?
/images/a/a0208299-6f37-40a0-66e1-2576b9435f00)
/images/a/Tcg2NiV7ce24OT6kCIQGR)