ዒሲያሴ ማፃኣፖ 9:1-6

ሃጊ ካኣታዻንዳ ኮሺ ካኣቲ

1 ዬንሢ ቤርታ ሜታዼዞንሢ ጋዓንቴ ላሚ ሜታ ሄላዓኬ።

ሚናኣ ዎዶና ዛብሎኦኔንታ ኔፒታኣሌሜንታ ዓጫ ቶኦቺንቲ ናንጌኔ፤ ሙካ ዎዶይዳ ጋዓንቴ ሜዲቴራኒያ ባዞኮ ዓባ ኬስካ ባንፃፓ ዓርቃዖ ዴንዲ ዮርዳኖሴ ሱኮ ሄላንዳኣና ዓኣ፥ ባሼ ሜሌ ዴራ ማዢ ዴዔ ጌሊላ ዓጫ ቦንቺንታንዳኔ። ✝9፡1 ማቲ. 4፡15።

2 ዹሞይዳ ናንጋ ዴራ

ሃሢ ዼኤፒ ፖዒ ዛጌኔ፤

ሃይቦ ሺቦ ዓጮይዳ ናንጋዞንሢማኣ ቢያ ፖዒ ኬስኬኔ። ✝9፡2 ማቲ. 4፡16፤ ሉቃ. 1፡9።

3 ናንጊና ናንጋ ጎዳሢዮ! ዴሮ ኔኤኮ ኔ ሚርጊሼኔ፤

ዔያቶም ዎዛ ኔ ዺቢሼኔ፤

ዓሲ ማኣሊ ቡራ ዎዶና

ሃንጎ ዔኤቢ ዲዒ ዔካኣና ዎዛዻሢጉዲ

ኔኤኮ ዴራኣ ኔ ማዼ ባኮና ዎዛዻኔ።

4 ሚና ቤርታ ኔ ሚዲያሜ ዓሶ ባሼሢጉዲ

ሃሢያ ኔኤኮ ዴሮ ባቃና ጌሢ ዎይሦ ቃንባሮንታ

ዔያቶኮ ጊኢሮ ጳርቃ ኮኦሎ ኔ ሜንሤኔ፤

ሃሣ ዴሮ ኔኤኮ ዋዪሲ ዎይሣሢያ ኔ ባሼኔ።

5 ዖሎ ዓሶኮ ዱርዛ ቢያ

ዔያቶኮ ሱጉፆ ሙላኮና ዓፒላኣ ቢያ

ታሚዳ ሚቺንታያ ማዓንዳኔ፤

ሃንፂሌጉዲ ማዒያ ዔኤሢንታንዳኔ።

6 ሃይሾ ናይ ኑኡም ሾይንቴኔ፤

ዓቲንቄ ናይያ ኑኡም ዒንጊንቴኔ፤

ዒዚያ ሱኡጌ ማዓንዳኔ፤

ሱንፃ ዒዛኮ፦ «ዞሪፆና ዲቃሢ ሄርሺሳያ፥ ዎልቄና ዼኤፒ ፆኦሲ፥

ናንጊና ናንጋ ዓዶ፥ ኮሹሞኮዋ ሱኡጌ» ጌይንታንዳኔ።