1 ቲናፕ አይኪ የዝ፥ ደኦ ቃላይ ባጋ ኑ ይንትስ ጻፍዛ። Ꮊ ደኦ ቃላይ ኑ ኑ ሀየር ስኤዝ፥ ኑ ኣፈር በኤዝ፥ ኑ ኩሸር አይኬዛያ።✝ 2 የ ደኦ እንግዛይ ቆንጭን፥ ኑኒ ኤዛ ብኢ፥ ኤባዝ ማርካትዛ። አዳይ ካለ የዛይ ኑስ ቆንጬዝ፥ መና ደኦባጋ ይንትስ ኦዶዳ።✝ 3 ኑራ ይንትስ ፐትፐት የዞዳይ ጋርክ ኑኒ በኤዛናኔ ስኤዛና ይንትስ ኦዶዳ። ኑ ፐትፐትይ አዳይራኔ ኤ ናአ የሱስ ክርስቶሳር ዎላ። 4 ኑ ኡፋይሳይ ፎሎ ማቆዳይ ጋርክ Ꮊያ ይንትስ ኑ ጻፎዳ።

5 ኑኒ ኤፕ ስኢ፥ ይንትስ ኦድዛ ኪታይ፦ «ጾሲ ፖኦ፤ ኤዛር ማ የሻ ባያ» ዬግዛያ። 6 ኑስ ኤዛር ፐትፐተ የዛ ዬግታር ኑ ማ የዝኮ፥ ኑኒ ዎርዶትዛ። ቱማካ ኑር ባያ። 7 ዝን ኤ ፖኦ የዛይ ጋርክ፥ ኑካ ፖኦ የዝኮ፥ ኑስ ዎል ጋንጨ ፐትፐተ የዛ። ኤ ናአ፥ የሱሳ ሱይ ናጋራ ኡባይፕ ኑና ጌሽዛ።

8 ኑኒ፥ ኑር ናጋራ ባያ ጊኮ ኑ ኑና ዶሽዛ፤ ኑር ቱማትካ ባያ። 9 ዝን ጾሳይስ ኑ ናጋራ ቡጽኮ፥ ኤ ኑ ናጋራ አቶ ጎዳይስኔ ኑ ቆሆ ኦሶ ኡባይፕ ኑና ጌሾዳይስ፥ አማንንቴዛያኔ ጌሻ። 10 ኑኒ ናጋራ ኦካ ጊኮ ጾሳና ዎርዶ ከስዛ፤ ኤ ቃላይካ ኑር ባያ።