1 ጾስ ሸነር፥ የሱስ ክርስቶሳፕ በንቴዝ ደኦ ኡፋይሳፕ ደንዴዛይድ የሱስ ክርስቶሳስ ሀዋረ ማቄዝ ጳዉሎሳፕ፥ 2 ታ ዶስዛ ናአ ጽማቶሳስ፤
ጾስ አዳይፐኔ ኑ ጎዳ ክርስቶሳ የሱሳፐ ኣ ኬሄት፥ ማሮትኔ ሳሮት ማቆ።1:2 ሀዋ. ኦ. 16:1
ጽማቶሳስ እንግንቴዝ ዞረ
3 ታኒ፥ ታ ዎሳይድ ቃማኔ ጋላስ ነና ቆፕዛ። ታኒ ዎስዛ ዎደ ታ አድታይ ጋርክ ታ ሎኦ ካሃር ኤስ ኦዛ ጾሳ ነ ግሾስ ጋላትዛ። 4 ታኒ ነ አፉ ቆፕዛ፤ ነና ብኢ ኡፋይትዛና ጋመ ላሞትዛ።
5 ማ ኔስ የዝ ቱማ አማና ኤርዛ። የ አማናይ ብኒ ነ ዎጋ እንዳት ሎይድራኔ ነ እንዳት ኤዉንቀስ የዝ አማናይ ጋርከ።1:5 ሀዋ. ኦ. 16:1 6 የይ ግሾስ፥ ታኒ ታ ኩሻ ኔል አፋ ጋዴዝ ዎደ ጾሲ ኔስ እንጌዝ እሞታ ኔኒ ማሂ ኤዳይ ጋርክ ታ ነና ቆፍስዛ። 7 አብስ ጊኮ፥ ጾሲ ኑስ ዎልቃ፥ ሲቆኔ ኑ ኡባ ሃርዛ ጌሻ አያና እንጌዛፕ አትን ያሻ አያና እንገካያ።
8 ይኬ፥ ኑ ጎዳይስ ማርካቶዳይስ ዬላትፐ፤ ማ ኤ ግሾስ አጭንቴዝ ታ ባጋራካ ዬላትፐ። ዝን ጾሲ ኔስ እንግዛ ዎልቃር ዎንግለ ግሾስ ታር መቶ ኤኮባ። 9 ጾሲ ፋ ሸነራኔ ፋ ኣ ኬሄትይር ኑና ዱማሲ፥ ፋ ጌሻ ዎያ ኡዶዳይስ ኑና ዶሬዛፕ አትን ኑኒ ኦዝ ኦሶ ግሾስ ባያ። Ꮊ ኣ ኬሃት ክርስቶሳ የሱሳ ባጋር አላመ መንቶዳይፕ ቲን ኑስ እንጌዛ። 10 Ꮊት Ꮊ ኣ ኬሄትይ ኑና አሽዛ ክርስቶስ የሱሳ ይእይር በንቴዛ። ኤ Ꮊይቆ ዎልቃ ብሲ፥ ዎንግለ ባጋር Ꮊይቆዋ ደኦ ኑስ ቆንጭሴዛ።
11 ታኒ ዎንግለ ሳባኬ፥ ሀዋረኔ አስታማረ ማቃዳይ ጋርክ ጾሲ ታስ ማዉተ እንጌዛ።1:11 1ጽማ. 2:7 12 ታኒ የይ ግሾስ Ꮊ መታ ኤክዛ፤ ዝን ታ አማኔዛይ ኦናዛኮ ኤርዛ ግሾስ ዬላታሚ። ታስ እንግንቴዝ ሀዳራ የሱሳ ማቂ የኦድ ጋላሳይ ሄሎዳይስ ኤ ናጎዳይስ ዳንዳእዛና ታ ኤርዛ።
13 ታኒ ነና ታማርሴዝ ቱማ ቃላ ኣዝሶ ኦሳ አይኪ ክርስቶሳ የሱሳር የዝ አማናይራኔ ሲቃይር የዞባ። 14 ኑ ጋንጨ የዝ ጌሻ አያና ዎልቃር ኔስ እንግንቴዝ ሎኦ ሀዳራ ናጎባ።
15 ኢሳ አዉራጃ የዝ ኡባይ ታፕ ሃኬዛና ነ ኤርዛ፤ ኡ ጋንጨ ፍገሉሳራኔ ሄርሞገኔሳራ የዛ።
16 አነስፎራ ታና ኡንደና ዎደ ምንዝ ግሾስ ጎዳይ ኤ ካራ አሳይስ ቃንቶ። ታኒ አች ካራ የዝ ዎደ ኤ ታ አቻይዳካ ዬላተካያ። 17 የይል አፋ ኤ ኦሮመ ካታማ የኤዛን ጋርክ ታና ሚን ኮይ ደንጌዛ። 18 ዉርስ ጋላስ ጎዳይ ኤስ ቃንቶዳይ ጋርክ ታኒ ጎዳ ዎስዛ። ኤፈሶና ካታማ የዝ ዎደ ኤ ታና አብ ጋርክ ማዴዛኮ ነ ሎእ ኤርዛ።