1 ታኒ ነና ጾስ ቲና፥ ፓ የዝታይላኔ Ꮊይቄዝታይል ፕርዶዳይስ የዝ ክርስቶሳ የሱሳ ቲና ኤ ቆንጭይራኔ ኤ ካተትይር ዞርዛ። 2 ቃላ ሳባኮባ፤ ዎደ ጊግን ጊገካ አትን ሚንጊ ማርካቶባ። ጋመ ዳንዳአራኔ ታማርሶር አሳ ዞሮባ፥ ሴሪ ሉልሶባኔ ደንባ። 3 አሳይ ቱማ ትምርተ ስኣም እጾድ ዎደ የኦዳ። ኡንቲ ፋ አሞ ካሊ፥ ፓስ ስኦዳይስ ኡፋይስዝ ባዝ ኦድዝ አስታማርታ ሺሾዳ። 4 ኡንቲ ቱማ ባጋ ኦድዝ ትምርተ አሺ፥ ቱማ ማቀካ ኦዳ ስኦዳይስ ፋ ሀየ ማሆዳ። 5 ዝን ኔኒ ኡባ ባዛር ናግንቶባ። መቶ ዳንዳኦባ። ዎንግለ ማርካት ኦሶ ኡዶባ። ኔስ እንግንቴዝ ጾስ ኦሶ ኡባ ፖሎባ።

6 ታኒ ያርሾ ያርሽዛይ ጋርክ ያርሽንቶዳይስ ዎዳይ ሄሌዛ፤ Ꮊ አላማ አሺ Ꮊንግዛ ዎዳይ ሄሌዛ። 7 ታኒ ሎኦ ኦላ ኦልንቴዛ፤ ታ ኣላሎ ላሳ ሃሴዛ፤ አማና ናጌዛ። 8 Ꮊይፕ ጉየስ ጽሎት ዛዉደ*4:8 ጽሎት ዛዉዳይ፦ ጽሎት የዝ ግሾስ ታ ኤኮድ ዛዉደ። ጽሎት ታስ ዛዉደ ኡዲ እንግዛ ጉሲ። ታና ናግዛ። የያ ጌሽ ፕርዳ ፕርድዝ ጎዳይ የ ጋላስ ታስ እንጎዳ። የይ ታ ኣዳስ ባዝን ኤ ማቂ ይእ አሞትዝ ኡባይስ እንጎዳ።

9 ኤልሲ ታኮ የኦዳይስ ምንጎባ። 10 ዴማሳ Ꮊ አላማ ዶሲ፥ ታና አሺ፥ ተሰሎንቀ ካታማ ቅቴዛ። ቀርቅስማ ጋላትያ፥ ትቶኔ ድልማጻ ቢታ ቅቴዛ።✝4:10 ቆላ. 4:14፤ ፍልሞ. 24፤ 2ቆሮ. 8:23፤ ጋላ. 2:3፤ ትቶ 1:4 11 ሉቃሳ ኣዳ ታር የዛ። ማርቆሳ ጾስ ኦሶር ታና ማዶዳይስ ዳንዳእዛ ግሾስ ኔር ኤኪ የኦባ።✝4:11 ቆላ. 4:14፤ ፍልሞ. 24፤ ሀዋ. ኦ. 12:12፥ 25፤ 13:13፤ 15:37-39፤ ቆላ. 4:10 12 ታኒ ትክቆሳና ኤፈሶና ካታማ ኪቴዛ።✝4:12 ሀዋ. ኦ. 20:4፤ ኤፍ. 6:21-22፤ ቆላ. 4:7-8 13 ኔኒ ይእታር፥ ጽሮአዳ ካታማ ካርፖሳ ላንቀ አሺ የኤዝ ታ ኮታኔ ማጻፍታ ታስ ኤኪ የኦባ። ኡባይፐካ ጻ ማጻፍታ ኤከካዛር ይእፐ።

14 ጻርቂማለ ኦዝ ኢስክንድረ ታና ኢታ ቆሄዛ፤ ጎዳይ ኤ ኦሳይ ጋርክ ኤስ ጭጎዳ።✝4:14 1ጽማ. 1:20፤ ማዝ. 62:12፤ ኦሮ. 2:6 15 ኤ ኑ ትምርታ እጽዛ ግሾስ ኤፕ ነና ናጎባ።

16 ቲና ታ ሞትንቴዝ ዎደ ኡባይ አሺ ቅቴዛፕ አትን ኦንካ ታና ማደካያ። ጾሲ የ ቡታ ኡንትስ ታይብፐ። 17 ዝን ታኒ ኩን ኪታ አይሁደ ባ አስ ኡባይስ ማርካትን፥ ኡንቲ ስኦዳይ ጋርክ ጎዳይ ታ ካንታ ኤቂ ታስ ዎልቃ እንጌዛ። ማ ጋሞ ጋርክ ዶና ዶዬዝ Ꮊይቆፕ ታና አሼዛ። 18 ጎዳይ ታና ኢታ ኡባይፕ አሺ ሳሎ ካተት ሳሮር ሄልዳ። ኤስ መናፕ መና ሄሎዳይስ ቦንቾ ማቆ። አምንኤ።

19 ጵርስቅላስ፥ አቂላስኔ አነስፎራ ካራ አሳይስ ታ ሳሮ ሄልባ።✝4:19 ሀዋ. ኦ. 18:2፤ 2ጽማ. 1:16-17 20 ኤራስጾሳ ቆሮንቶሳ ካታማ አቴዛ። ጽሮፍሞሳ ሀርግንቴዝ ግሾስ ምልጸ ካታማ ኤዛ አሼዛ።✝4:20 ሀዋ. ኦ. 19:22፤ ኦሮ. 16:23፤ ሀዋ. ኦ. 20:4፤ 21:29 21 ባርጎ ገሎዳይፕ ቲና ኤልሲ የኦባ።

ኤዉቡሎሳ፥ ጱዴሳ፥ ልኖሳ፥ ቅላደኔ ሀራ አማንዛ አስታይ ኡባይ ነና ሳሮ ሳሮ ግዛ።

22 ጎዳ የሱስ ክርስቶሳ ኔር ማቆ።

ጾስ ኣ ኬሄትይ ይንታር ኡባይር ማቆ።