2 Tessalonicenses 2

ዉጨ አስ

1 ኑ እሹን፥ ኑ ጎዳ የሱስ ክርስቶሳ ይእ ባጋኔ ኑ ኤዛ ሄሎዳይስ ሺቆባጋ ኑ ይንታን ዎስዛ።✝2:1 ኢሳ. 2:10 2 ትንቢተር ዎይ ቃላ ስኤዛይ ጋርክ ዎይ ኑፐ ኤኬዝ ኪታ ኡዲ፥ «ጎዳይ ጋላሳይ ሄሌዛ» ዬጊ ይ ዎዝናይ ዳጋምፐኔ ብፐ። 3 ይንታን ኦንካ አባ ኦገራካ ባልፐ። ቲናቲ አሳይ ጾሳ ካዶ አይከካዝን ዉጨ አይ ዡጫትይ ቆንጨካኔ ቦስ ቤዝዛ አይ የኤካዝን፥ ጎዳይ ጋላሳይ ሄላሚ። 4 Ꮊ ዉጨ አይ ጎድ ጊንቲ ጎይንትዛ ኡባይፕ ኣ ፓና ቅ ኡዶዳ። ሀራ አቶዝን ያሻ ባይ፥ ጾስ ካራ ገሊ በቲ፥ «ታኒ ጾሰ» ጎዳ።✝2:4 ዳነ. 11:36፤ ኢዝቀ. 28:2

5 ታኒ ይንታር የዛር ይንትስ ኦዴዛና አካኮሳኔ? 6 Ꮊ ዉጨ አይ ፋ ጋላሳር የኦዳይፕ አትን Ꮊት የአማይ ጋርክ አቢ ኤዛ ካይዛኮ ይ ኤርዛ።

7 አሳይስ በንተካዛር ዉጨ አይ ዎልቃይ Ꮊተካ ጌማር ኦዛ፥ ማቆዝን Ꮊት ኤዛ ካይዛይ የዛ። ኤዛ ካይዛይ ኦገላፕ ሀልኦድ ሄሎዳይስ ኤ በንታሚ። 8 የይፕ ጉየ፥ ዉጨ አይ በንቶዳ፥ ዝን ጎዳ የሱሳ ፋ ዶናይፕ ከዝዝ ፔናይራኔ ፋ ይእይ ዴታይር ኤዛ ብሶዳ።✝2:8 ኢሳ. 11:4 9 ዉጨ አይ ጻላሄ ዎልቃር ይኢ ባልዛ ማልታኔ ማላባዝታ ኡዶዳ።✝2:9 ማቶ. 24:24 10 የይ ጋርከካ፥ ቦስ የዝ አስታ ዱማ ዱማ ዶሽዛ ኢታ ኦሶር ባልዳ። ኡንትካ ብዛይ አሽዛ ቱማና ዶሲ ኤካም እጼዝ ግሾሲ። 11 የይ ግሾስ፥ ኡንቲ ዎርዶ አማኖዳይ ጋርክ ጾሲ ኢታ ባል ዎልቃ ኡንታል አፋ ዳኮዳ። 12 የይካ፥ ቱማ አማናም ግ፥ ናጋራ ኦሶር ኡፋይትዛ ኡባይ ፕርድንቶዳይ ጋርከሲ።

አቶትስ ዶርንቴዝ አስታ

13 ጎዳይ ዶስዛ ኑ እሹን፥ ኑኒ ጾሳ ይ ግሾስ ኡባ ዎደ ጋላቶዳይስ ቤዝዛ። ጋላትዛይካ ይ አቶዳይ ጋርክ ጌሻ አያና ዎልቃር ይንታን ጌሼዛኔ ይንትካ ቱማ አማኒ አቶዳይ ጋርክ ኤ ይንታን ባይራ ዶሬዛ። 14 ጾሲ፥ ኑ ይንትስ ኦዴዝ ዎንግላይ ባጋር ይንታን ጼጌዛይ፥ ይ ኑ ጎዳ የሱስ ክርስቶሳር ዎላ ቦንችንቶዳይ ጋርከ። 15 ይኬ፥ ኑ እሹን፥ ሚንጊ ኤቆይታ። ኑኒ ይንታን ዶናር ዎይ ዳብዳበር ታማርሴዝ ትምርታ ሚን አይኮይታ።

16 ኤ ኑ ጎዳ የሱስ ክርስቶሳኔ ኑና ቃ ኑስ ፋ ኣ ኬሄትር መና ምንኔ ሎኦ ኡፋይስ ጾስ አዳይ ኑስ እንጌዛ። 17 ይ ኡባ ዎደ ሎኦ ባዝ ኦዳይስኔ ኦድንቶዳይስ ኤ ምንዳይ ጋርከኔ ማዶዳይ ጋርክ ኑ ጎዳ ጾሳ ኑ አዳ ዎሶዳ።